«Бастауыш сыныптағы ерекше білім беруді қажет ететін балаларды психологиялық-педагогикалық сүйемелдеу негіздері»
Аймақтық ғылыми-әдістемелік семинардың мақсаты - бастауыш сыныптағы ерекше білім беруді қажет ететін балаларды психологиялық-педагогикалық сүйемелдеу тұрғысынан бастауыш сынып мұғалімдерін дайындау.
Спикерлер психология ғылымдарының кандидаты Иманғалиева Нұрсұлу Темірболатқызы, магистр Бекжанова Жанар Серікқалиқызы, М.Өтемісов атындағы Батыс Қазақстан университеті, Педагогика факультетінің деканы, педагогика ғылымдарының кандидаты Ергалиева Гүлжан Алғазиевна мен М.Өтемісов атындағы Батыс Қазақстан университеті, Бастауышта оқыту педагогикасы мен әдістемесі мамандығының 2 курс магистранты Амангельді Айгерім Ерланқызы, Атырау қаласының №14 А.Чехов атындағы орта мектебінің бастауыш сынып мұғалімі, педагог-зерттеуші Сапарова Гульмира Тлепкалиевна, Х. Досмұхамедов атындағы Атырау университетінің 7М01301-Білім берудегі менеджмент мамандығының 2 курс магистранты Елшібекова Айнұр Серікқызы (Ғылыми жетекшісі: Төленова Ұлдай Талқашқызы – педагогика ғылымдарының кандидаты) қазіргі қоғамда инклюзивті білім беру аясында ерекше білім беруді қажет ететін балаларға педагог-ассистенттер даярлаудың мәселелері, әртүрлі санаттағы ерекше балаларды сүйемелдеу, соның ішінде балаларды категорияға бөліп, әрқайсысына тоқталып, оларға арнайы бағдарлама жасақталуы керектігі туралы құнды ақпараттармен бөлісті.
Семинарға қатысқан профессор-оқытушылар құрамы мен білім алушылар қызығушылықтарын көрсете отырып, алғыстарын білдірды. Сонымен қатар, білім алушылар осы тақырыпта курс ұйымдастыруларын сұраныс етті.
ПІКІРЛЕР