Ғылыми кітапхана

Ғылыми кітапхана университеттің ақпараттық, білім беру және мәдени орталығы бола отырып, сапалы білім алуға және жоғары білікті мамандар даярлауға барлық жағынан ықпал етеді.

Кітапханада жалпы кітап қоры - 500 337 дана.
Атап айтқанда, құнды басылымдар жиынтығын құрайтын XVIII-XX ғасыр аралығындағы әдебиеттер бар. Жалпы ғылымның барлық саласын қамтитын сирек кездесетін әдебиеттер қоры - 810 дананы құрайды. Оқырмандарға 4 абонементте, 3 оқу залында қызмет көрсетіледі. Кітапхана қорына келіп түскен кітаптардың барлығы да кафедралардың сұранысы бойынша «Бастау», «Фолиант», «Өлке», «ALEM Book», «Академия Абай» т.б. баспаларының оқулықтарымен толықтырылған. Жаңадан келіп түскен әдебиетті насихаттау мақсатында тұрақты «Жаңадан түскен әдебиеттер» көрмесі ұйымдастырылады.
Оқырмандардың сұранысын қанағаттандыруда кітапханада алфавиттік және жүйелік каталог бар. Кітап қорын толықтыру және өңдеу бөлімінде ақпараттық-іздестіру жүйесі бойынша «КАБИС» бағдарламасымен жұмыс жүргізілуде.
Кітапханалық-ақпараттық қолдау көрсетуді пайдалану мақсатында Республикалық жоғары оқу орындары аралық электронды кітапханамен (РМЭБ), Батыс Қазақстан филиалы Акционерлік қоғамы «Республикалық ғылыми-техникалық кітапханасы», Ғ.Сланов атындағы облыстық ғылыми әмбебап кітапханасы, Атырау инженерлік-гуманитарлық институты кітапханасымен келісім шартқа отырған.
  2018-2019 оқу жылдары «Ұлттық аударма бюросы» қоғамдық қорынан «Жаңа гуманитарлық білім. Қазақ тіліндегі 100 жаңа оқулық» жобасы бойынша 17 атаумен 3469 кітап, 2019-2020 оқу жылдары 30 атаумен 4350 дана кітап, 2020-2021 оқу жылдары 53 атаумен 7035 дана кітап кітапхана қорын толықтырды. Барлығы 100 атаумен 14854 дана оқулық келіп түсті.
Ғылыми кітапхана негізінде сандық кітапхана жүйесін құру мақсатында кітапхана қорындағы барлық оқулықтар мен ғылыми еңбектерді оқырмандарға қолжетімді ету үшін электронды форматқа көшіру жұмыстары жүргізілуде.
  Кітапхана қызметінің негізгі алға қойған міндеттері - оқырмандарға кітапхана қорының құрылымы, электронды мәліметтер қоры, жаңадан түскен әдебиеттер, сондай-ақ іс-шаралар өткізу, семинар-кеңестер, кітап көрмелері туралы ақпараттарды университет сайты https://asu.edu.kz арқылы жеткізу.