Жалпы жобамыздың мақсаты - Бастауыш сыныптағы ерекше білім беруді қажет ететін балаларды психологиялық-педагогикалық сүйемелдеу тұрғысынан бастауыш сынып мұғалімдерін дайындау.
Сол себепті бітіретін курс студенттеріне бастауыш сынып мұғалімдеріне ерекше балалармен дұрыс қарым-қатынас жасау мақсатында қонақ дәріс ұйымдастырылды.
Бүгінгі дәрісіміздің қонағы «Өрлеу» біліктілікті арттыру ұлттық орталығы» АҚ Жаратылыстану және гуманитарлық пәндер әдістемесі кафедрасының аға оқытушысы, тренер, Түзете-дамыту бағытында және Логика оқу-әдістемесінің авторы, Облыстық тіл мүкістігі бар балаларға арналған арнайы №3 мектеп-интернатының логопеді Бисенова Жайнагүл Қатиятқызы.
Дәріс барысында көптеген ақпараттармен бөлісіп, ерекше балалармен қалай жұмыс жасау керектігін және әртүрлі психологиялық-педагогикалық қолдау түрлерімен таныстырды. Студенттер дәріс өте жоғары деңгейде өтілгеніне өз ризашылықтарын білдірді.
ПІКІРЛЕР