Ғылым

Ғылым


Х.Досмұхамедов атындағы Атырау мемлекеттік университетінде ҚР-ның 2010-2014 жылдарға арналған индустриалды-инновациялық дамуының  Мемлекеттік бағдарламасына сәйкес  ғылыми зерттеу орталықтары ашылды.  Орталықтар гуманитарлық және жаратылыстану-техникалық бағыттарда зерттеу жұмыстарын жүргізеді. Ғылыми зерттеу жұмыстарының негізгі мақсаты:

  • университеттің инновациялық қызметін басқарудың оңтайлы жүйесін құру, түрлі бейорганикалық және органикалық қосылыстардың, радикалдардың ядролық құрылысын, физиохимилық қасиеттерін зерттеу, микробиологиялық және биотехнологиялық зерттеулер жүргізу.
  • Биотехнологиялық ғылыми-зерттеу орталығы балық өнімдерінің сапасын арттыру, тамақ өнімдерінің сапасын арттыру мен тұрақтандыру, балық шұжығын даярлау технологиясы бағытында ғылыми жобалармен жұмыс жүргізеді.  Ұлттық шұбат сусынын өңдеу технологиясын жетілдіру нәтижесінде «Софмайя» сусыны дайындалып, өндіріске енгізілуде.
  • Агроэкономикалық орталықта сүт қышқылды бактерияларды зерттеу жұмыстары жүргізіліп, оларға қоректік орта жасалады.

Университеттің ғылыми лабораторияларында Каспий теңізі биоресурстары мен экологиялық жағдайы бойынша зерттеулер жүргізіліп, қордаланған мәселелердің шешімі іздестірілуде.  Балық  өнімдерінің  микробиологиялық негіздерін анықтау мақсатында Орал-Атырау бекіре заводында магистранттар мен студенттер тәжірибе жұмыстарын өткізеді.

  • З.Қабдолов атындағы ғылыми-зерттеу орталығы Атырау өңірі жер-су аттарының терминологиясына ғылыми текстологиялық және лингвистикалық сараптамалар жүргізеді, ақын-жазушылар шығармашылығын зерттейді.
  • Археология және этнология ғылыми-зерттеу орталығы  облыс аймағында орналасқан тарихи-мәдени ескерткіштерді анықтау, зерттеу және тарихын насихаттау мақсатында жұмыстар жүргізеді.

Ғұлама ғалым Х.Досмұхамедовтың туғанына 130 жыл толуына орай университетте Халел Досмұхамедов атындағы педагогикалық-психологиялық зертхана ашылды.