159

12 мамыр күні Х.Досмұхамедов атындағы Атырау мемлекеттік университеті Әлеуметтік-гуманитарлық пәндер кафедрасының ұйымдастыруымен Әл-Фарабидің 1150 жылдығына арналған «Әл-Фарабидің рухани әлемі» тақырыбында онлайн семинар өтті.

Онлайн семинардың спикері болған Әл-Фараби атындағы ҚазҰУ-дың Философия және саясаттану факультеті «Философия» кафедрасының меңгерушісі, философия ғылымдарының докторы, профессор Нұрышева Гүлжиһан Жұмабайқызы Әл-Фараби философиясының ерекшелігі, танымдық маңызы, ұлы ойшылға және оны насихаттауға арналып өткізіліп жатқан шаралар, шетелдік және отандық зерттеу жұмыстары жөнінде арнайы дәріс өткізді. Семинарда ҚР БҒМ ҒК Философия, саясаттану және дінтану институты директорының орынбасары, философия ғылымдарының докторы, профессор С.Е.Нұрмұратов, философия ғылымдарының докторы,профессор А.Т.Тайжанов, С.Сейфуллин ат. Аграрлық университет каф.меңгерушісі Е.Е. Мұханбетқалиев, Тараз мемуниверситеті каф.меңгерушісі Г.Нұраддин, Әлеуметтік-гуманитарлық пәндер кафедрасы меңгерушісі фс.ғ.к. С.Б. Аймұратов, фс.ғ.д, профессор Ө.Қ. Бекежан және басқа да семинарға қатысқан көптеген ғалымдар ұлы ойшылдың рухани мұрасы жөнінде өз ойларымен бөлісіп, фс.ғ.к. доцент А.А. Кенжебаев, аға оқытушы, философия магистрі Р.Б. Ертелеева, университет студенттері А.Талғат, А.Насимуллина, А.Телжанова арнайы баяндамалар жасады.

Онлайн семинарға Алматы, Астана, Ақтөбе, Тараз қалалары жоғары оқу орындарынан 100-ге жуық ғалымдар, магистранттар, студенттер қатысып, ұлы ғұламаның шығармашылығын зерттеу мен таныстыру жолдары, оның еңбектерін заманауи ғылыми ізденістермен сабақтастыру жөнінде пікір алмасты.

Back to the list