Өңіраралық конференция Атырау мемлекеттік университетінде өтті

Өңіраралық конференция Атырау мемлекеттік университетінде өтті

Х.Досмұхамедов атындағы Атырау мемлекеттік университетінде Атырау облысы Дін істері басқармасы Ақпараттық-талдау орталығының ұйымдастыруымен «Зайырлы қоғамдағы дінаралық келісім: Дәстүрлі құндылықтар мен діннің рөлі» атты өңіраралық конференция өтті.

Атырау облыстық Дін істері басқармасы Ақпараттық талдау орталығы мамандары хабарлағандай, өңіраралық конференцияға ҚР Қоғамдық даму министрлігі «Дін мәселелері жөніндегі ғылыми зерттеу және талдау орталығы» РММ Ғылыми зерттеу бөлімінің басшысы, тарих ғылымының магистрі, дінтанушы Ж.Аханов, Ақтөбе облысы Дін істері басқармасы «Аңсар» Ақпараттық-талдау орталығы басшысының орынбасары Т.Қалдыбаев, Маңғыстау облысы Дін істері басқармасы Дін мәселелері бойынша ақпараттық-талдау орталығының басшысы Б.Шопанова, Батыс Қазақстан облысы Дін істері басқармасының Дін мәселелерін зерттеу орталығының басшысы А.Нұрахмедұлы, Атырау қалалық мәслихат депутаты, «Сазанқұрақ» ЖШС бас директорының орынбасары Ә.Семғалиев арнайы қатысты. Сонымен қатар Батыс өңірінің Діни зерттеу орталықтарының, жастар ресурстық орталықтарының, жоғары және арнайы оқу орындарының басшылары, теолог мамандар, мешіт имамдары, студент жастар және БАҚ өкілдері қатынасты. 
Атырау облысы Дін істері басқармасы Ақпараттық-талдау орталығының басшысы М.Құбышев сөз сөйлеп, ол өз сөзінде: «Ұлт тарихының мәдениеті мен құндылықтарын білу, насихаттау әрі сақтау - жаһандану кезеңінде елді бекемдеудің кепілі" деген ол бұл тұрғыда, ел болашағы – жас буын арасында дәстүрлі құндылықтарымызды насихаттап, діннің қоғамдағы рөлін айқындауға бағытталған конференция жұмысынан жақсы нәтиже күтеміз деген сенімін білдірді.
Конференция барысында ҚР Қоғамдық даму министрлігі «Дін мәселелері жөніндегі ғылыми зерттеу және талдау орталығы» РММ Ғылыми зерттеу бөлімінің басшысы, тарих ғылымының магистрі, дінтанушы Ж.Аханов дінаралық келісім тақырыбында баяндама жасады.
Өңірлік дін қызметкерлері мен Атырау облысы Дін істері басқармасы басшысының міндетін атқарушы Қ.Мұсаев, Атырау қалалық мәслихат депутаты, «Сазанқұрақ» ЖШС бас директорының орынбасары Ә.Семғалиев, Атырау қалалық «Қ.Мұңайтпасов» мешітінің бас имамы А.Абдираманов, «Apec Petro Technic жоғары колледж» ЖШС директорының тәрбие ісі жөніндегі орынбасары А.Хаменова, «Шапағат» деструктивтік діни ағымдардан жапа шеккендерге көмек орталығы» қоғамдық қорының маманы Е.Абзаловтар тұщымды баяндамалар жасады.
Баяндамашыларға қойылған сұрақтар мен пікірлер конференция соңында талқыланып, ортақ ұсыныстар қабылданды.

ПІКІРЛЕР

Тізімге қайта оралу

ҚҰТТЫҚТАЙМЫЗ!

22 Сен 2020 41