06.05.2024 192

30 сәуір күні Қазақстан Республикасы Ғылым және жоғары білім министрлігінің ұйымдастыруымен Алматы қаласындағы Әл-Фараби атындағы Қазақ ұлттық университетінде Қазақстан Республикасы Жоғары оқу орындары студенттерінің ХVI Республикалық пәндік олимпиадасының II кезеңі өтті. Құқық қорғау қызметі білім беру бағдарламасы бойынша алғаш рет ұйымдастырылған олимпиада да 15 команда арасында Алина Шамахова, Медина Әбдеш және Қарақат Телеубаева жүлделі 3 орынды иеленді. Сонымен қатар, Қазақстан Республикасы «Bilim-orkenieti» ұлттық инновациялық ғылыми-зерттеу орталығы мен ҚР Ғылым және жоғары білім министрлігінің ұйымдастыруымен, дәстүрлі түрде өтетін «Қазақстанның үздік студенті» республикалық байқауында 3 курс студенті Бейбарыс Сәрсен "ҚАЗАҚСТАННЫҢ ҮЗДІК СТУДЕНТІ" төсбелгісімен, I дәрежелі дипломмен марпатталды. Құқық қорғау қызметі білім бағдарламасының 2 курс студенттері Диляра Боранбай мен Медина Әбдеш МАҚСҰТ НӘРІКБАЕВ университетінің 30 жылдық мерейтойына орай «МНУ-2024 жыл сайынғы құқықтық конференциясы» атты жас ғалымдардың ғылыми-тәжірибелік конференциясының іріктеу кезеңінен өтіп, шақырту алып, сертификатпен марапатталды. Сондай-ақ, биыл ішкі істер органдарының тергеу бөлімшелерінің құрылғанына 61 жылдығына орай және тергеушілер күні қарсаңында «Мен тергеушімін» тақырыбында қысқаметражды фильм түсіріп, Атырау облысының полиция департаментінің қызметкерлері заңгер студенттері арасында байқау ұйымдастырған болатын. Аталған байқау нәтижесі бойынша ІІБ Тергеу басқармасының қызметкерлері жоғары балл жинаған үздік Азиза Хожанова – 1 орынмен, Нұрбек Қабдолқалихты 2 орынмен, Бекнұр Абдусламовты 3 орынмен марапаттады.

Тізімге қайта оралу