01.05.2024 171

Бұл күні біз баға жетпес байлығымызды – туған ел игілігі жолындағы ырысты ынтымағымызды дәріптейміз. Бұл - шынайы жалпыхалықтық мереке, отаншылдығымыздың, туған жерге деген сүйіспеншілігіміз бен адалдығымыздың жарқын көрінісі. Бірлік пен келісімнің арқасында біз тәуелсіз мемлекет қалыптастырып, зор жетістіктерге жеттік. Әлемге танылып, биік беделге ие болдық. Біздің барлық жетістіктеріміз бен жеңістеріміздің мызғымас тұғыры – татулық пен тұтастық. Түрлі ұлт өкілдері бір шаңырақтың, бір тудың астынан табылып, бүгінгідей еңселі ел, іргелі мемлекет атандық. Түсіністік пен тұрақтылық – әрбір азамат атсалысып, әркімнің үлес қосуын талап ететін қастерлі құндылық. Осыны қалтқысыз ұғыну Отанымыз – Қазақстан Республикасында ұдайы бейбітшілік пен берекенің салтанат құруына септігін тигізеді. Халқымыздың дені сау, бақ-дәулетті, елімізде бейбітшілік болып, ортақ шаңырағымыз - Қазақстан Республикасының игілігіне арналған жақсы істер мен ырыс-береке көбейе берсін!

Тізімге қайта оралу