29.04.2024 241

Бүгін университетіміздің гуманитарлық ғылымдар және көптілді білім беру факультеттерінің студенттері мен оқытушы-профессорлық құрамының 50-ге жуық еріктілері «Еркінқала» ауылына барып, су тасқынына қарсы бөгет тұрғызу жұмыстарына ат салысты. Студенттер мен оқытушы-профессорлық құрам, ол жерде қаптарға топырақ салып бөгетті әрмен қарай бекіту жұмыстарымен айналысты. Оларға осындай қиын-қыстау кезеңде қол ұшын беріп, рухани қолдауға ҚР Еңбек сіңірген мәдениет қайраткері, ақын, жазушы, баспагер, сондай-ақ «Көк тудың желбірегені» әнінің сөзін жазған Алмас Ахметбекұлы келді. Университет студенттерінің осындай атқарған ауықымды жұмысына, олардың азаматтық белсенділіктеріне оң бағасын беріп, елмен бірге екенін көрсеткен Алмас Ахметбекұлы, қызу жұмыстың бел ортасына түсіп, қаптарға топырақ толтырып, оны бекіту жұмыстарымен айналысты. Қызу жұмыс ортасында студенттерге шығармашылығындағы «Үш қыз» өлеңін оқып, оларға рухани азық пен ниет тілегін білдірді. -Осындай қиын заманда студенттермен бірге болып, қолыма күрек ұстап қырып тастамасамда, қапқа топырақ салып сендермен бірге болып өз тілегімді білдіргім келді,-деді ҚР Еңбек сіңірген мәдениет қайраткері, ақын Алмас Ахметбекұлы. Бөгет тұрғызудың жалғасы әрмен қарай «Қызыл балық» ауылында университет жанындағы «Ұстаз мектебінің» 41 оқушы мен ұстаздардан құралған құраммен жалғасты. Бұл жерде де олар қапқа толтырылған топырақтарды жинап, бөгетті одан әрі нығайту жұмыстарымен айналысты. Ол жердегі жұмыстың қарқынды жүріп, қаншама еңбектің ақталғанын көрген ақын оқушыларға: -Сендер мемлекетімізге көмектесіп ат салысып жатырсыздар, келе жатқан қауіптің алдын қаппен тосып жатсыздар, әрбір салған күрек топырақтарыңыз елімізді қауіптен қорғауға өз септігін тигізеді. Әрбір қазақтың азаматы, ол мемлекеттің басты құндылығы деп бағалауымыз керек, – деді ҚР Еңбек сіңірген мәдениет қайраткері, ақын Алмас Ахметбекұлы Өз кезегінде университет студенттері мен «Ұстаз мектебінің» оқушылары ақынға шын ризашылықтарын білдіріп, күшіміз бірлікте, біріксек алынбайтын қамал жоқ екендіктерін көрсетті.

Тізімге қайта оралу