Х.Досмұхамедов атындағы Атырау университеті 30 үздік бағдарлама жасау жобасына қатысуда
Үстіміздегі жылы Білім және ғылым министрлігінің ұйымдастыруымен Дүниежүзілік банктің «Педагогикалық білім беру әлеуетін күшейту» жобасын іске асыру жұмыстары басталды. Жоба аясында Педагогикалық ғылымдар білім бағыты бойынша 30 білім беру бағдарламасы әзірленеді.
Аталмыш жобаға Х.Досмұхамедов атындағы Атырау университетінен жоғары балл жинаған 7 адам өтті.
27 қыркүйекте жобаның Педагогикалық білім берудің мазмұны мен формаларын жетілдіру атты екінші кезеңі басталды. Әлеуметтік мәселелер және жастар саясаты жөніндегі проректор Ляйля Ерболатқызы, «Бейнелеу өнері және дизайн» кафедрасының аға оқытушысы Эльмира Махметқызы, «Информатика кафедрасының» қауымдастырылған профессоры Галия Айсақызы, «Экология» кафедрасының меңгерушісі Мансия Санаққызы, «Шетел тілін оқыту әдістемесі кафедрасының меңгерушісі Элеонора Досжанқызы, «Математика және қолданбалы технологиялар» ғылыми-зерттеу институтының директоры Галия Қайдарқызы және топ жетекшісі, Академиялық мәселелер жөніндегі проректор Асхат Ералыұлы бастаған Х.Досмұхамедов атындағы Атырау университетінің командасы Нұр-сұлтан қаласына жобаның екінші кезеңіне қатысуда.
2 апталық оқыту бағдарламасы келесі модульдерден тұрады:
- А модулі: студенттерге бағытталған оқыту тәсілі;
- B модулі: педагогикалық білім берудегі зерттеулер;
- С модулі: институционалдық даму жобасы.
Бұл бағдарламада белсенді оқытудың әртүрлі әдістері қолданылады (мысалы, төңкерілген оқыту, топтық диалог, бірлескен шығармашылықтың әртүрлі әдістері, рефлексияға арналған жазбаша тапсырмалар, сұрақтар, практикадан мысалдар, ми шабуылы, демонстрациялар, кеңестер және т.б.).
Оқытудың басынан бастап педагогикалық әзірлеушілер жобалық тәсіл арқылы оқыту процесіне тартылатын болады, ал кейіннен оқыту барысында олар студентке бағдарланған тәсіл дағдыларын меңгереді. Әзірленген оқу іс-шаралары 21 ғасырдың дағдыларын дамытуды қамтиды, ал қатысушылар оқытуда өздерінің кәсіби құзыреттерін дамытуға және талдауға тартылады.
ПІКІРЛЕР