Әскери кафедра

Әскери кафедра

Х. Досмұхамедов атындағы Атырау мемлекеттік университеті әскери кафедрасы

    Мақсаты: Х.Досмұхамедов атындағы Атырау мемлекеттік университетінің әскери кафедрасында, ҚР 2005 жылдың 07 қаңтарындағы «Қазақстан Республикасының Қарулы Күштері мен Қорғанысы туралы» Заңының 7 бабының 6 тармағына сәйкес, Қазақстан Республикасының Қарулы Күштері үшін запастағы офицерлерді даярлау.

Бағыты:   Әскери кафедраның бағыты мыналар:

-  болашақ мамандарды әскери қызметшілермен жұмыстың теориялық негіздерімен қаруландыру, бөлімшеде тәрбие және оқу процесін ұйымдастыру үшін қажетті педагогикалық білімді, іскерлікті және дағдыларды үйрету.
- әскери қызметшінің кәсіби қызметі және оның кәсіби өзін-өзі дамуы туралы білім мен құзыреттілік жүйесін, сондай-ақ командалық және әдістемелік дағдыларды қалыптастыру.
-  кафедрада ҚР Қорғаныс министрлігі басшылығының заманауи талаптарына сәйкес офицер кадрларын даярлау және оқыту жүйесін құру.
Мамандығы: Әскери кафедра студенттерді 2018-2020 оқу жылдары келесі мамандық бойынша дайындық жүргізілуде:
-  «Жалпы әскери бөлімшелерді, бөлімдер мен құрамаларды жауынгерлік қолдану»
-   «Аумақтық қорғанысты жоспарлау және ұйымдастыру»

Материалдық  базасы:

1) оқу-жаттығу қару-жарағы мен әскери техникасы, зертханалық жабдық, оқу-жаттықтыру құралдары, техникалық оқыту құралдары, көрнекі құралдар және басқа да әскери оқу-жаттығу мүлкі;
2) дәрісханалар, сыныптар, кабинеттер, зертханалар, кітапханалар, оқытушылар бөлмелері, қаруды, әскери-техникалық мүлікті сақтауға және басқа да қосалқы оқу-жаттығу үй-жайлары;
3) арнайы оқу-жаттықтыру кешендері, оқу-жаттығу қалашықтары (тактикалық, оқ ату, инженерлік даярлық, радио-химиялық және бактериологиялық қорғану, қарауылдық, радиополигондар), оқ ату тирлері, саптық плацтар және жалпыәскери және арнайы даярлық бойынша бағдарламаларды пысықтауға арналған басқа да объектілер;
4) оқу-жаттығу шеберханалары, автомобиль гараждары, парк элементтері, әскери техникаға, аспаптарға, әскери оқу-жаттығу және басқа да мүлікке арналған сақтау орындары;
5) оқу құралдары, оқу-әдістемелік құжаттар болып табылады.

Қағидалары: Әскери кафедрада оқу үшін студенттерді іріктеу жыл сайын іріктеу жылының 1 - 20 тамыз кезеңінде конкурс негізінде Қазақстан Республикасының Қорғаныс министрі бекітетін қабылдау жоспарына сәйкес жүргізіледі.
Конкурсқа қатысуға конкурс өтетін жылы 24 жастан үлкен емес жастағы студенттер жіберіледі.
Әскери кафедрада оқуға студенттерді іріктеу үшін конкурс төрт кезеңде жүзеге асырылады:
бірінші кезең - медициналық куәландырудан өту;
екінші кезең - кәсіби-психологиялық тестілеу жүргізу;
үшінші кезең - дене шынықтыру дайындығын тексеру;
төртінші кезең - ҚР ҚМ-мен келісу бойынша ЖОО бастығы жасайтын және бекітетін рейтингілік балдар есебіне сәйкес жүзеге асырылатын конкурстық іріктеу.
       Запастағы офицерлерді дайындау бағдарламасы бойынша оқу үшін құжаттар бірінші (4 жылдық оқумен) және екінші (5 жылдық оқумен) курс студенттерінен қабылданады.
       "Сармат"әскери-патриоттық клубы: Жастар бастамасын дамыту және қолдау үшін отандық әскери өнер тарихын, қару-жарақты, әскери кәсіптерді игеру, жастарды Қарулы Күштерде қызметке даярлау және білім алушылардың бойында патриоттық, Қазақстан Республикасына адалдықты қалыптастыру үшін әскери кафедра базасында 2017 жылы  "Сармат"әскери-патриоттық клубы құрылды. 

 Кері  байланыс: 8(7122)  27-63-39                   

E-mail: Askeri_kafedra@asu.edu.kz



Тарихы

Кафедраға түсу талаптары

Құжаттар

Құрылым басшысы, осы бөлімге қарасты жауапты мамандар туралы мәліметтер:


Абсаматов Серик  Акирович                

Әскери кафедра бастығы

8 (7122) 27-63-39


Тізімге қайта оралу