Факультет туралы
Гуманитарлық ғылымдар және өнер факультеті – Атырау университетінің ең көне факультеттерінің бірі. Ол 1950 жылы Филология және география факультетінің құрамында ашылды. 1959 жылдан бастап тарих-филология факультеті деп аталды. 2006 жылы Гуманитарлық факультет болып өзгертілді. 2017 жылдың 8 тамызынан бастап Гуманитарлық ғылымдар және өнер факультеті болып атауы өзгертілді. Әр жылдары факультетті (мамандықтарына қарай) Л.П.Азовская, Л.И. Белый, З.А. Алдамжар Н.И. Өтегенов, Н.Е. Бахарев, Ж.Б. Баки, И.К. Камешев, Ғ.Н.Нығмет, А.С. Иманғалиев, А.С. Сарсенов, Т.Т. Төлепберген, Ж.Ж. Мұстафин, С.И. Камелова, Қ. Сүндетұлы, Г.К. Қайырғалиева, Д.Ұ. Хамидуллина, С.Б. Аймұратов, Б.Б. Қорған басқарды. Олардың барлығы факультеттің қалыптасуы мен дамуына өз үлестерін қосты. Қазіргі таңда факультетті PhD, қауымдастырылған профессор міндетін атқарушы Д.Ұ. Хамидуллина басқарып келеді.
Факультеттің негізгі мақсаты - еліміздегі гуманитарлық, педагогикалық, әлеуметтік бағыттағы кадрлар сапасын арттыру, заманауи ақпараттық технологияларды меңгерген, бәсекеге қабілетті, білікті мамандарды дайындап шығару.
Факультетте 4 кафедра жұмыс жасайды: Қазақстан және дүниежүзі тарихы кафедрасы, Журналистика және қоғаммен байланыс кафедрасы, Музыка және өнер кафедрасы, Бейнелеу өнері және дизайн кафедрасы. Кафедраларда 60-тан аса профессор-оқытушы, 1000-нан астам студенттер мен магистранттар бар. Факультет қабырғасында профессорлар, ғылым докторлары, ғылым кандидаттары, магистрлер қызмет етеді.
Факультет түлектері ҚР Парламентінің депутаттары, философия ғылымдарының докторы, профессор Қ. Е. Ермеков, философия ғылымдарының докторы, профессор А.А. Айталы, қоғам қайраткері С.Ергенов, сондай-ақ белгілі ғалымдар А.С. Иманғалиев, А.Қ. Мұхтар, Г.К. Кенжебаев, А.К. Ахмет, Ұ.Т.Ахметова, Л. Б. Бердіғожин және т. б. факультет түлектері білім беру, БАҚ, өнер, күш құрылымдары, Қазақстан Республикасының барлық өңірлерінде және жақын шетелдерде, мемлекеттік басқару саласында қызмет атқаруда.
Университеттің қоғамдық, әлеуметтік-мәдени іс-шараларына белсенді қатысатын студенттерімізден құрылған студенттік үйірмелер, археологиялық оқу-зерттеу орталығы, студенттік «Smart Students» кеңесі, «1986» дебат клубы, «Tobe» өзін-өзі дамыту клубы, «Ақтаңгер» ақындар клубы, «Әсемқоңыр» домбырашылар ансамблі, студенттік оркестр, «Ars Nova» қыздар вокалдық ансамблі, «Кватро» ұлдар вокалдық ансамблі жұмыс істейді.