Ғылыми іс-шаралар
ЗҰЛМАТ ЖЫЛДАР ҚАСІРЕТІ
31 мамыр – қуғын-сүргінге ұшыраған, саяси құрбандандарын еске алу күніне орай ғылыми кітапхана «Зұлмат жылдар қасіреті» тақырыптық кітап көрмесін ұйымдастырды.
Бүгінгі тірлігімізде болашаққа ой жіберу, ертеңгі күнге ұмтылыс қажет қасиет деп білеміз. Өткенді ұмытпай, әрдайым зерделеп отыру, одан сабақ алу, қателіктерді қайталамау маңызы зор міндет.
Ел ішіндегі зобалаң жылдар, халқымыздың өткен жолы - қасіреті мен қуанышы қатар өрілген сан ғасыр тарихтың қилы кезеңдеріндегі алуан оқиғалары - ақиқат шындық.
Оқырмандардың назарына ұсынылған деректі туындылар, ғылыми зерттеулер осыған дәлел: Х.Табылдиев, Ғ.Нығметтің «Ақтандақтар ақиқаты», Ш.Нағымұлының «Азалы ақ кітабы», Ж.Қыдыралинаның «Депортированные в Казахстан народы: история и современность», К.Есмағамбетовтың «Тарих таңдақтары», «Ашаршылық. Голод.»3 томдық жинақ, М.Қозыбаевтың «Ақтаңдақтар ақиқаты».
Көпшілікке арналған шығармалардың қатарында С.Камеронның «Голодная степь», Р.Киндлердің «Сталинские кочевники», Атырау облысының саяси көзқарасына байланысты жазаланған құрбандарының тізімі жарияланған «Живые узники сталинских репрессий» И.Серикбаевтың туындысы, Х.Сейткемеловтың «Шұбырынды қанды босқын», «О чем не говорили» (құрастырушылар Е.Сатыбалдиев , Л.Лукин).
Осы ұсыныс-тізімді жалғастырсақ Алаш қайраткерлеріне де арналған әдебиеттер университеттің кітапхана қорында бар. Тарихтын ақтаңдақтар шындығын зерделеуге, ұғынып-сараптауға шақырамыз оқырмандарымызды.
