Жоба жаңалықтары

Cтуденттерді кәсіпкерлік негіздеріне оқыту мен жастардың бизнес ортасын қалыптастыруға арналған «Алты кілт – Алтын кілт» атты инновациялық идеялар жобасының 3 мәрте кілт иегері менеджмент мамандығының 1 курс студенті Шарғабаева Руза жоба туралы ойымен бөлісті.                                                                                                                                

- Жоба сізге не бере алды, үйренгеніңіз көппе?                                                                               

- Жалпы, бұл жобада берілген тапсырмалар арқылы, командамен жұмыс жасауды, көпшіліктің алдында ашылып сөйлеуді, көшбасшылық қабілетімді арттыра түстім. Әрине, әсіресе кәсіпкерлік тұрғысынан тәжирбие жинауға мол мүмкіндік береді. Инновациялық жобадан үйренгенім көп. Жаңа ортамен және белгілі кәсіпкерлермен жүздесіп, берілген тапсырманы орындау бәріміз үшін үлкен пайдалы іс болды. Бастысы уақытымыз зая кетіп жатырған жоқ.                                                                                                                                  

- Қай аптаның тапсырмасы мен қай команда көңіліңізден шықты?                                                  

- Мен үшін барлық тапсырмалар қызықты болды, бөліп - жаратыны жоқ, шынайы ықыласпен орындадым. Сол сияқты әр командамен де еркін тіл табысып, бірлесе жұмыс жасай алдым. Нақты айтта кетсем, командалардың арасында ең бірінші құралған тобым жаныма жақын. 1жайғана қаламсапты бақандай 50 мың теңгелік қол сағаттқа айырбастап ерекше сезімде болдық. Ал, тапсырмаға келетін болсам кешегі апта өткен «Екінші дем» тапсырмасы ұнады. Бұнда біз өзіміз қажет етпейтін киімдерді жинап әкеліп дизайнерге табыстадық.                                                                                                              

- Жоба туралы пікіріңіз…                                                                                

- Өте қызықты, жақсы жоба. Біздер, яғни студенттер үшін бұл жоба бизнес-идеямызды дамытуға үлкен мүмкіндік. Төрелік еткен қазыларымызда әділ бола білді. Апта сайын тапсырма орындап қана қоймай, мамандардың әр түрлі тақырыптарындағы семинар-тренингке қатыстық. Осы жоба идеясының авторы мен жоба үйлестірушілеріне үлкен алғысымызды білдіреміз. Алдағы уақытта жалғасын тапса деген тілегім бар...                                                               

- Сұхбатыңызға рахмет!
 

Сұхбаттасқан Алтынай СӘЛІМГЕРЕЙҚЫЗЫ

Тізімге қайта оралу