«ҰЛЫ ДАЛА. ҰЛЫ ТҰЛҒА» онкүндігі жалғасуда
11 ақпанда Экономика және құқық факультетінің ұйымдастыруымен Қазақстан Республикасының Тәуелсіздігінің 30 жылдығы және академик Салық Зимановтың 100 жылдығына арналған «ҰЛЫ ДАЛА. ҰЛЫ ТҰЛҒА» тақырыбында онкүндік аясында ашық онлайн дәрістер өтті.
Тағылымы мол ғылыми шараның шымылдығын Басқарма төрағасы-ректор Саламат Нұрмұханұлы Идрисов ашып, академик, заң ғылымдарының атасы Салық Зимановтың қазақ қоғамындағы рөлі мен орнын ерекше айшықтап, дәріс оқушыларға сәттілік тіледі. Заң бағытында білім алушыларға қажетті құндылықтар мен тарихи даталарды дәріптеуді басты мақсат ретінде қоюды баса айтты.
Сонымен қатар, мамыр айында ғалымның 100 жылдық мерейтойына арналған ғылыми-тәжірибелік конференция жоспарланған. Атырау облыстық сотының төрағасы Бауыржан Жұмағұлов Зум платформасында ауқымы үлкен шараның ұйымдастырылғанына ерекше ықыласын білдіріп, университет ұжымына толағай табыстар тіледі. Шара барысында қоғам және мемлекеттік ірі қайраткер тұлға, заңгер ғалым, Заң ғылымының докторы, профессор, Қазақстан Республикасының Ұлттық ғылым академиясының академигінің өнегелі өмірі мен өлшеусіз еңбектері туралы баяндамалар оқылды.
«Атыраудың ұлы перзенті» тақырыбында тарих ғылымдарының кандидаты, қауымдастырылған профессор Санжан Қуандыққызы Нысанова, «С.Зиманов – выдающаяся личность казахстанской юриспруденции» тақырыбында Жангулим Идаятқызы Ердешова, «Зиманов зерттеулері» тақырыбында тарих ғылымдарының кандидаты, қауымдастырылған профессор Үздік Хамиқызы Идресова ғалым жөнінде құнды баяндамаларды ортаға салды. Аталмыш шара Зум платформасында, Инстаграм, фейсбук желілерімен қосылған қатысушылар мен студенттер үшін пайдалы ақпараттар көзі болып табылды.
ПІКІРЛЕР