"Бес нәрсеге асық бол" атты патриоттық онлайн дәрістер өтті
ҚР Конституциясының 25 жылдығына және 1 қыркүйек - Білім күніне орай "Бес нәрсеге асық бол" атты патриоттық онлайн дәрістер өтті.
Құқықтану кафедрасының аға оқытушысы Венера Наурызова "ҚР Конституциясы: Бірлік, тұрақтылық және өркендеу" тақырыбында дәріс оқыды. Дәріс барысында ҚР Конституциясының 9 бөліміне жеке-жеке тоқталып, жалпы түсінік беріп өтті.
Осы тақырып аясында орыс тілінде профессор Әділбек Турдалиев дәрісінде Конституциялық заңнамалармен таныстырды.
Профессор Сайфолла Сапанов "Праймериз-новые возможности" атты баяндамада саяси-қоғамдық пікірлер мен мүмкіндіктер туралы ортаға салды. Праймериздің маңызы мен мәнділігін, қажеттілігіне баса мән беру керектігін айтты.
Профессор Өмірбек Бекежан "Жаһандану жағдайындағы ғылым мен білімнің рөлі" атты дәрісте қазіргі таңдағы заманауи сауаттылық пен ғылыми жетістіктерге жете мән беруді мақсат етіп қоюды баяндады.
Онлайн танымдық дәрістер студенттерге заңнамалық тұрғыдан білімін арттыруға бағытталды.
ПІКІРЛЕР