16.05.2024 450

Бүгін Х.Досмұхамедұлы атындағы Атырау университеті №41 Әбіш Кекілбайұлы атындағы мектеп-гимназиясымен біріккен «PROF қадам: кураторлық және тәлімгерлік» жобасы бойынша қорытынды конференция өтті. Нақтырақ айтар болсақ, 2023 жылдың қазан айында екі тарап арасында меморандумға қoл қойылған-ды. Меморандумның мақсаты: болашақ мұғалімнің жеке тәжірибесін зерттеу және мектептегі тәрбие жұмысының идеясын түсінуіне көмектесу арқылы оның кәсіби шеберлігінің өсуі мен педагогикалық бастамаларына қолдау көрсету. Осы мақсат аясында ұйымдастырылған «PROF қадам: кураторлық және тәлімгерлік» жобасында университет түлектері қазан айынан бастап мектеп өміріне етене араласып кетеді. Екі жақты бірлескен жұмыс жоспары бекітілді. Ол төрт кезеңнен тұрады. Атап айтсам, ұйымдастыру; студентті кураторлық жұмыс үдерісіне жетелеу; бірлесіп сабак сабақ жоспарлау дағдыларын жетілдіру; болашақ маманның сабақ үдерісіндегі не сабақтан тыс жұмысты ұйымдастырудағы өз әрекеттері мен оқушылардың әрекетіне талдау жасау, қорытындылау. Кадрларды қайта даярлау және біліктілікті арттыру кеңсесінің жұмыс жоспары аясында өткен бұл жұмыстарға жеке-жеке саралайтын болсақ, «PROF қадам: кураторлық және тәлімгерлік» жобасының әр кезең бойынша түрлі жұмыстармен шаралар уақытында орындалып отырды. Атап айтар болсам, «Болашақ мұғалімдерді кәсіби дамытудағы тәлімгерлік моделі», «Менің мамандығым – менің болашағым», «Жарқын болашақ иесі – менің болашағым» (Біртұтас тәрбие бағдарламасымен таныстыру), «Критериалды бағалау. Қалыптастырушы бағалау бойынша нұсқау беру жұмысы және онымен танысу», «Сабақтың мақсаты мен оның нәтижесі, оқу мақсаты мен оның сәйкестігі», «Оқытудың бастапқы деңгейінің пәндері бойынша мемлекеттік жалпыға міндетті білім беру стандартымен, жұмыс бағдарламаларымен, оқу жоспарымен танысу», «Бірлесіп сабақ жоспарлау дағдыларын жетілдіру (ҚМЖ)» және басқа да тақырыптарда кәсіби әңгіме, оқыту мен практикалық семинарлар, шебер сыныптар, кеңес беру жұмыс түрлерімен бірге студенттеріміз университеттегі теориялық білімдерін жоба жұмысында практикамен ұштастырып, күнделікті сабаққа қатыса жүріп, ашық сабақтарын да берді. Жоба нәтижесі бойынша университет түлектерінің жас маман ретінде кәсіби-зерттеушілік дағдылары жетілді. Тәлімгерлік жоба аясында жасалған жұмыстар жинақталып, жинақ әзірленеді. Мектеп басшысы Қайырғали Сүйіндікұлы Азилов "жобаға қатысушы студенттердің өте білімді, алғыр екендігін айта отырып, оларға диплом алғаннан соң өз басшылық етіп отырған мектебіне кей мамандық үшін жұмысқа орналасуына мүмкіндік беретіндігін айтып өтті. Дегенмен, таңдау – өздерінде" -, деді мектеп басшысы. Мектептің оқу-ісі меңгерушісі Зирагүл Ерталықызы Қанатова жобаға қатысушыларды мақтағаны сонша, осындай жастарымыз барда еліміздің болашағы зор деген сөзді айтып, көңілімізді қуантып тастады. Тарих пәні мұғалімі мамандығының студенті Тайпақ Абай Абзалұлына ерекше тоқталды. Жоғары сынып оқушыларымен өткізген сабағы ғылыми зерттеу сабағы болды деді. Үлкен ғылыми ортаның маманы деп сол ортаға бейімделуі керек деп ұсыныс та айтты. Жақсы десе жан сүйсінеді. Осындай білім алушыларымызбен Халел университеті мақтанады.

Тізімге қайта оралу