Жарқын болашақтың 100 оқулығы
12 наурыз аралығында ғылыми қітапхана және инновациялық білім беру факультетінің ұйымдастыруымен мемлекеттік тілге аударылған кітаптарды талқылауға арналған «Жарқын болашақтың 100 оқулығы» атты іс-шара өтті.
Қазақ тіліне аударылған әлемдік үздік оқулықтарды көпшіліке таныстыру мақсатында өткен шараға Х.Досмұхамедов атындағы Атырау университетінің профессор - оқытушылар құрамы мен студенттері қатысты.
Жиында кітапхана қорына қосылған Эндрю Полардтың «Рефлективті оқыту негіздері». бесінші басылымы, Рассел Григгтің «Бастауыш мектеп мұғалімі. Шеберлікті шыңдау» екінші басылым, Стив Бартлетт пен Диана Бертонның «Білім берудегі зерттеулер» Кіріспе, Г. Питердің «Көшбасшылық: теория және практика» кітаптары талданды.
Бұл шараның негізгі мақсаты - болашақ мамандардың, жастардың әлемдік деңгейдегі бәсекеге қабілеттілігі мен білімін арттыру және мемлекеттік тілге аударылған оқулықтардың мазмұны мен маңызын талқылап, ел арасына кеңінен насихаттау. Осындай игі шараны жүзеге асыру үшін университеттің басшылары мен профессор-оқытушыларын қатыстыра отырып, олардың жоба аясындағы өзіндік пікірлері мен қазақ тіліне аударылып отырған тарих, саясаттану, әлеуметтану, философия, психология және педагогика саласындағы кітаптардың құндылықтарын жария ету.
Елбасының қолдауымен үздік шетел оқулықтарын ағылшын, француз, орыс тілінен тікелей қазақ тіліне аудару ХХІ ғасырдың таңғаларлық жаңалығы десек болады. Аталған және болашақта қазақшаға аударылуға белгіленіп, таңдалып отырған оқулықтар еліміздің оқу орындарында бұрын қолданылып жүрген бір қалыптан айнымайтын оқулықтардың мазмұнындағы тереңдігі жетіспей жатқан ғылыми тұжырымдарды жетілдіріп, түбегейлі жаңартып, жаңа мазмұнмен молайтатыны сөзсіз.
Осынау жаһандану заманында ұлттық санамыздың жаңғыруына мүмкіндік берген Елбасының сарабдал саясаты мен ұлт жолындағы ұстанымдары бүгінгі жастарымыз бен келешек ұрпағымыздың бәсекеге қабілеттіліктерін арттырып, әлемдік білім кеңістігіне сай білім алуына айқара жол ашады деп сенеміз.
Ғылыми кітапхана
