"Жаңа Қазақстан" - жаңа серпіліс
Мамыр айының 24 күні референдум аясында Х.Досмұхамедов атындағы Атырау университетінің оқытушы-профессорларымен кездесу өтті. Шараға Атырау облыстық ардагерлер кеңесінің төрағасы Мұрат Сақтайұлы Өтешов, Қазақстан заңгерлер одағының Атырау облысы бойынша филиалының төрағасы Нұрасыл Асылбекұлы Мүбәрак, Басқарма төрағасы-ректор Саламат Нұрмұханұлы Идрисов, Атырау қалалық мәслихатының депутаты Бибінұр Бүркітқызы Қорған қатысып, референдум мәселесіне жете тоқталып, оның келешекке әкелер пайдасы туралы сөз қозғады.Сонымен қатар референдумға қатысты тың ойлар айтылып, баяндамашылар «Жаңа Қазақстанды» бірге құруға шақырды.
Кездесуде спикерлер өзгеріске енгелі тұрған заң жобаларына жеке-жеке тоқталып өтті.Атап айтқанда, суперпрезиденттік басқару формасынан түпкілікті бас тарту, «өлім жазасына» тыйым салу және жер мәселесіне де тоқталып, жалпы халықтың көкейінде жүрген ойларын дөп баса білді. Университет оқытушылары алдағы маңызды шараға қатысты өзіндік пікірлері мен ойларын айтып, көкейкесті сұрақтарына жауап ала білді.
Жиын соңында ұйым қызметкерлері жалпыұлттық референдум өткізуді қолдайтынын, бұл «Жаңа Қазақстанды» құруға үлкен серпіліс болатынын айта кетіп, 5 маусым күні өтетін сайлауда бірге дауыс беруге шақырды.
ПІКІРЛЕР