Мырзашева Айгуль Нармаганбеткызы
ӨМІРБАЯН
Мырзашева Айгүл Нармағанбетқызы -Туған кезі: 28.08.1956 ж. Туған жері: Атырау обл., Жылыой ауд., Шоқпартоғай с., осы облыстың Қызылқоға ауд. Миялы с. Н.К.Крупская атындағы орта мектепті бітірген. Техника ғылымдарының кандидаты (2009), қауымдастырылған профессор (2008). 1973-1977 жж. Гурьев педагогика институты физика-математика факультетінде оқып, «математика» мамандығын үздік дипломмен бітірген. 1977-1992 жж. Атырау облысының аудан, қала мектептерінде математика, физика пәндерінің мұғалімі, аудандық комсомол комитетінің пленум, бюро мүшесі, 1992-1996 жж. Қазақ зағиптар қоғамы оқу-өндірістік мекемесі директорының әлеуметтік реабилитация жөніндегі орынбасары қызметтерінде болған. 1996 жылдан Атырау мемлекеттік университеті физика, математика және ақпараттық технологиялар факультетінің алгебра және геометрия, кейіннен математика және математиканы оқыту әдістемесі кафедрасында жұмыс жасайды. ҚР БҒМ-нің Алматы қаласындағы Математика институтында «Математикалық модельдеу, сандық әдістер және бағдарламалар кешені» мамандығы бойынша диссертация қорғаған (2009), техника ғылымдарының кандидаты. 80-ге жуық ғылыми мақалалары мақалалары Қазақстан, Ресей, Өзбекстан, Қырғыз республикалары мен алыс жақын шетел басылымдарында жарияланған (5 Томсон, 4 скопус), бүгінде қолданыста жүрген 2 оқу-әдістемелік құрал мен «Моделирование нелинейных термомеханических процессов в жаропрочных сплавах» атты монографияның авторы. Кандидаттық диссертация тақырыбына сәйкес бір топ ғалымдар құрамында ҚР БҒМ-нің «Термо-напряженное состояние деформируемого твердого тела при наличии теплоизоляции, внутренних точечных источников тепла, температуры, теплового потока, теплообмена и наружных поверхностных сил» (тіркеу номері 0109РК00672) және «Теоретические основы исследования термонапряженного состояния отдельных элементов ядерных энергетических установок и технологического оборудования» (тіркеу номері 0109РК00667) ғылыми-техникалық бағдарламасы бойынша гранттық негізде ғылыми жұмыстарға қатынасты.А.Н.Мырзашеваның жетекшілігімен орындалған студенттер Т.Гапуова мен М.Динғуатованыңғылыми жұмыстары республикалық байқауда жүлделі орындарға (Т.Гапуова–ІІІ орын, М.Динғуатова-ІІІ орын) ие болса, Атырау қаласындағы үш тілде оқытатын дарынды балаларға арналған №30 мамандандырылған мектеп гимназиясының оқушыларыА.Зинеденова мен М.ҚанатбековаӨ. Жолдасбеков атындағы математикадан және механикадан зерттеу жұмыстарының ІХ халықаралық конкурсына (Алматы, 1-3 наурыз 2019 ж.) «Фракталдар теориясының кейбір қолданылуы» тақырыбындағы ғылыми жобамен қатынасып, ІІІ дәрежелі дипломмен марапатталды. Әділет министрлігінен бағдарламалық кешеннің авторы ретінде берілген авторлық куәлік иесі, есімі республикалық «Қазақстан ғалымдары», «Қызылқоға ұстаздары» және университет энциклопедияларына енгізілген. ҚР БҒМ-нің Ұлттық тестілеу орталығының, т.б. грамоталарымен, Ы.Алтынсарин төсбелгісімен марапатталған. Жанұялы, жолдасы Бултеков Сембай байланыс инженері, «Казаэронавигация» мемлекеттік мекемесінде бөлім жетекшісі, 2 ұл, 1 қызы, немерелері бар.