Шаждекеева Нұргүл Қыдырбайқызы
ӨМІРБАЯН
Шаждекеева Нұргүл Қыдырбайқызы 17 желтоқсан 1960 ж.т., туған жері Атырау (бұрынғы Гурьев) облысында, Құрманғазы ауданында, Құрманғазы Ганюшкино) селосы, 1978 жылы М.Ломоносов атындағы орта мектепті бітірді. Ғылыми дәрежесі: физика-математика ғылымдарының кандидаты, шифр 05.13.18 – «математикалық модельдеу, сандық әдістер және бағдарламалар кешені» ( № 4 хаттама, 4.05.2011). 1979-1984 жж. Гурьев мемлекеттік педагогика институтының физика-математика факультетінің математика және физика мамандығын оқып бітірді. 1984-1988 жж. Атырау қаласындағы №22 орта мектепте, 1988 -1995 жж. Атырау қаласының Ю.А.Гагарин атындағы орта мектепте математика пәнінің мұғалімі болып жасап, 1995 жылдың қыркүйегінен бастап Х.Досмұхамедов атындағы Атырау мемлекеттік университетінде математикалық анализ кафедрасында аға оқытушы, 2011 жылдан бастап математика және математиканы оқыту әдістемесі кафедрасының меңгерушісі болып жұмыс жасап жатыр. 2010 жылы Алматы қаласы әл-Фараби атындағы Казақ ұлттық университетінде «Тиімді қабаттардағы сүзілу сыйымдылық көрсеткіштерін қалпына келтіру әдітерін одан әрі арттыру» тақырыбы бойынша кандидаттық диссертациясы қорғалды. 50 астам ғылыми-әдістемелік мақалалары Республиканың және шетелдердің ғылыми журналдарында, импакт-факторы бар халықаралық ғылыми журналдарында 8 ғылыми еңбегі жарық көрді. 5 оқу құралының, 1 ағылшын тілінде монографияның, 3 авторлық куәліктің иегері. Жас ұрпақты оқыту және тәрбиелеу ісіндегі елеулі табыстары үшін «Ы.Алтынсарин» төс белгісімен (2010 ж.) марапатталды. 2016 жылы Жоғарғы оқу орнының «Үздік оқытушы» атағын алды. Эразмус + бағдарлама бойынша 2015 жылы Воронеж мемлекеттік университетінде (Ресей), 2018 жылы Пуатье университеттінде (Франция) тағылымдамадан өтті. Жанұяда 3 бала, 2 немере тәрбиелеп отыр.