"Ақпарат күндері" ұйымдастырылды
Ғылыми кітапхана қорына сұраныс-тізімдер арқылы түскен басылымдарды көпшілік оқырмандардың назарына 3-4 сәуір күндері аралығында ғылыми ақпарат және сирек кездесетін әдебиеттер бөлімінде (105 ауд.) ұсынылды. Университет профессор-оқытушыларының ғылыми еңбектері: «История Атырауского края на страницах периодической печати» құрастырушы А.Ахметтің, Н.С. Жұмашеваның «Бастауыш сынып оқушыларының тұлғалық қасиеттері ...», Е.Жумабаеваның ; М.Дусегалиев пен Н.Алибаевтің ағылшын тіліндегі монографиялары, сонымен қатар С.К.Нурмукашеваның «Психологиялық педагогикалық зертхана..», Б.Ж. Таубаевтың «Шабындықтар мен жайылымдар..», С.К.Сабированың «Кәсіпорын экономикасы..», Р.Уталиева, А.Ералиева, Б.Дюсегалиеваның «HR-менеджмент» оқу құралдары, Л.Алекешова, Г.Курмангазиева, Ж.Кенжебаева, С.Дутбаева, А.Карташева, А.Умурзакованың « Сборник учебных материалов для подготовки к национальному квалифицированному тестированию (НКТ)» әдістемелік құралдары, Қ.Ө.Жүсіптің «Қазақ романсының патшасы», «Қасым», «Жұмекен» монографиялары және Койшигулова Л., Шамгонов А., А.Ситалиевтің «Творцы историко-культурного наследия» орыс тіліндегі оқу құралы насихатталды.
Магистрант, студенттердің қызығушылығын тудырған ғылыми- тарихи 4 томдық басылым «Кочевники: историко культурное наследие кимаков и кипчаков, Век казахско-джунгарского противостояния, Тасмолинская культура Древнего Казахстана, Золотая Орда», Г.М.Тұрғараеваның «А.Байтұрсынұлының қоғамдық-саяси , мемлекеттік қызметі» деректі монографиясы, А.Байтұрсынұлының 4 тілдегі- аударма «Таңдамалы шығармалары», «Болат-Медиа» баспасынан шыққан «Майра Апа» туындысы, ҚР стратегиялық зерттеу институты , З.К.Шаукенованың «Булат Султанов: дипломат, ученый, директор» жинағы, С.Зимановтың « ХІХ ғасырдың бірінші жартысындағы қазақтардың қоғамдық құрылысы және Бөкей хандығы» монографиясы.
Экономика ғылымы: цифрлық (таңбалы) маркетинг, менеджмент, интеллектуалды меншік , шағын және орта бизнес , экономикалық анализ, логистика, мемлекеттік басқару, реттеу, бизнесті бағалау сұрақтары бойынша 16 атауымен оқу құралдарына библиографиялық шолу жасалды. Ғылыми кітапхана директоры М.Қ.Саттугул , кітап қорын толықтыру және өңдеу бөлімінің кітапхана мамандары толық ақпарат берді. «Жаңадан түскен әдебиеттер» кітап көрмесінде ұсынылған оқулық- әдебиеттер ғылыми кітапхана бөлімдері : абонемент, оқу залдарында пайдалануға беріледі.
