Қараша айының 1-3 күндері аралығында Ғылыми кітапханада АҚПАРАТ күндері ұйымдастырылды. Кітапхана қызметін пайдаланушылар-оқырмандарға «Жаңадан түскен әдебиеттер» кітап көрмесі ұсынылды. Профессор-оқытушыларының талап-сұранысы бойынша «Отан», «Лантар Трейд», «АльманахЪ» баспасынан шыққан информатика, тарих, экология-биология, генетика, география, құқық , орыс тілі ғылымдарын қамтитын, барлығы 127 атауы, 1451 дана оқулық, оқу-әдістемелік құралдар кітапхана қорына алынды. Көпшіліктің қызығушылығын тудырған Э.К. Асембаеваның «Ғылыми зерттеу әдістемесі» оқу құралы ғылыми білімнің әртүрлі деңгейлерін қарастырады, және зерттеу жұмысының кезеңдерін, бағытын таңдау, ғылыми-техникалық мәселені тұжырымдауға, теория-эксперименталды нәтижелерін рәсімдеу бойынша ұсыныстар көрсетеді. Жас ғалым, ізденушілерге, оқытушылар қауымына арналған. Сонымен қатар студент-магистрант назарына университет профессор-оқытушылардың ғылыми еңбектері : А.С.Сарсеновтың «Ауыл-селоның интеллектуалдық әлеуетінің қалыптасуы мен даму жолдары», « Ауыл-селоның интеллектуалдық әлеуетінің агроэкономикалық және этномәдени тағылымы» оқұ құралдары; Халықова Г.З., Идрисов С.Н., Маликова Н.Т., Г.Азаттың «Python тілінде программалау негіздері» оқу құралы; Ж.Е.Кенжебаеваның «Казахская ментальность сквозь призму перевода» монографиясы; М.С. Есенаманова, Ж.С.Есенаманова, А.Е.Тлепбергенова, Д.Рыскалиеваның «Тіршілік қауіпсіздік негіздері» оқу құралы ұсынылды. Насихат, библиографиялық ақпарат жұмыстары негізінде кітапханаға осы күндері 127 оқырман қосымша тартылды, ашық қолжетімділік әдісімен өткен көпшілік шараға С.Өтебаев атындағы мұнай және газ университеті, Каспий өңірінің қазіргі замандағы колледж, Энергетика, индустриалды колледж өкілдері, университетіміздің студент, магистрант, оқытушылары қатысты.

Тізімге қайта оралу