Жаңа кітаптар талқыланды
Х.Досмұхамедов атындағы Атырау университетінің оқу залында ғылыми кітапхана қорына қосылған «Жаңа гуманитарлық білім. Қазақ тіліндегі 100 жаңа оқулық» жобасы аясында мемлекеттік тілге аударылған үш кітап талқыланды. Олар - Людмила Джорданованың «Тарихи білім: пәні және зерттеу әдістері», Энтони Джон Смиттің «Ұлттың этностық тамыры» және Мартин Хаммерсли мен Пол Аткинсонның «Этнография, зерттеу принциптері» кітаптары.
Шараның басты мақсаты - болашақ мамандардың, жастардың әлемдік деңгейдегі бәсекеге қабілеттілігі мен білімін арттыру және мемлекеттік тілге аударылған оқулықтардың мазмұны мен маңызын талқылап, ел арасына кеңінен насихаттау. Жиында университеттің басшылары мен профессор-оқытушылары оқырманға мемлекеттік тілде ұсынылып отырған құнды дүниелердің мазмұны, ғылыми жаңалығы мен көпшілікке берер тағылымы жөнінде әңгімеледі.
