Цифрланған ғылыми кітапхана барлық студенттерге қолжетімді
Еліміздің болашағы жарқын болу үшін, ең алдымен ұрпағымыз білімді, рухани деңгейі жоғары болуы қажет. Ол үшін адам көп оқып, кітап оқу мәдениетін сақталуы, көп ізденуі қажет. Қазақ халқы кітапты қасиетті, құдіретті деп қадірлеген. «Кітап-білім бұлағы, білім-өмір шырағы» деп кітапты жоғары бағалаған.
Х.Досмұхамедов атындағы Атырау университетінің ғылыми кітапханасы да аталмыш оқу орнымен бірге жасап келе жатырған тарихының бір бөлігі деп саналады. Кітап қоры әр түрлі саладан 700 мың данадан асады.
Студенттердің кітап оқуға деген қызығушылықтарын арттыру үшін кітапхана қайта жабдықталып, студенттер үшін демалатын коворкинг-орталығы ашылды.
Оқырмандардың сұранысын қанағаттандыруда кітапханада алфавиттік және жүйелік каталог бар. Кітап қорын толықтыру және өңдеу бөлімінде ақпараттық-іздестіру жүйесі бойынша «КАБИС» бағдарламасымен қазақ, орыс және шет тілдеріне қолжетімділік қамтамасыз етілген . Студенттер мен оқытушылар осы жүйеге кіріп, қажет кітабын онлайн оқи алады.
Сандық кітапхана жүйесін құру мақсатында барлық оқулықтар мен ғылыми еңбектер электронды нұсқаға көшіру жұмыстары жүргізілуде. Электрондық қорды төмендегі көрсетілген сілтеме арқылы пайдаланылады.
Сілтеме: http://asu.kabis.kz
2018-2019 оқу жылдары «Ұлттық аударма бюросы» қоғамдық қорынан «Жаңа гуманитарлық білім. Қазақ тіліндегі 100 жаңа оқулық» жобасы бойынша 17 атаумен 3469 кітап келіп түссе, 2019-2020 оқу жылдары 30 атаумен 4350 дана кітап келіп түссе, 2020-2021 оқу жылдары 53 атаумен 7035 дана кітап келіп түсті.
Барлығы 100 атаумен қазақ тілінде гуманитарлық бағытында 14854 дана оқулықпен кітап қоры толықтырылды.
Ғылыми кітапханада жоғары жылдамдықты интернет сондай-ақ республикалық жоғары оқу орындары арасындағы электрондық кітапхананың меншікті және корпоративтік ресурстарымен қамтылған. Қазіргі уақытта 2000-ға жуық кітап цифрландырылды.
Кітаптардың жаңа басылымдарының түсуіне қарай әдебиеттердің кітап көрмелері ұйымдастырылады. Сонымен қатар университет сайтында кітапхана туралы барлық ақпарат берілген.
Біздің университетте мүмкіндігі шектеулі жастардың жоғары білім алуына жағдай жасалған. Зағип және нашар көретін студенттердің білім алу процесіне қолжетімділігін арттыру мақсатында 2 миллион теңгеден астам сомаға оқу машинасы мен электрондық бейне-ұлғайтқыш сатып алынды. Бұл жабдық кітаптар мен құжаттарды немесе мақаланы бірнеше секунд ішінде сканерлеп, жоғары сапалы дауыспен оқу мүмкіндігіне ие.
Кітапхана қызметінің негізгі алға қойған міндеттері кітапханаға оқырмандарды тарту, кітап оқуға деген қызығушылығын арттыру, кітапхананың қорын жаңа әдебиеттермен толықтыру, атаулы күндерге мәдени көпшілік іс-шаралар өткізу, материалды-техникалық базасын нығайту.
