«Сайын даланың Сайыны»
3 қарашада Атырау Университетінің Ғылыми кітапханасында қазақтың белгілі жазушысы, журналист, қоғам қайраткері, Қазақстан Мемлекеттік сыйлығының лауреаты Сайын Мұратбековтың 85 жылдығына орай «Сайын даланың Сайыны» атты мәдени шарасы өтті.
Филология мамандығының 4 курс студенттері мен ғылыми кітапхананың жетекші маманы Слушаш Жексенқызы ұйымдастырған шара белгілі айтыскер ақын қыз Фариза Жетпісбаеваның арнауымен бастау алды.
Шара барысында студенттер С.Мұратбековтың «Жабайы алма» шығармасына композициялық талдау жасап, өлең оқыды.
Жиын соңында ғылыми кітапхана директорының міндетін атқарушы Зәуреш Өміржанқызы және мәдени шараға қатысушы қонақтар ризашылықтарын білдіріп, студенттерге сәттілік тіледі.
