Пайдалы мәліметтерге толы қонақ дәрісі
27 қарашада Экономика және құқық факультетінің Қаржы және есеп кафедрасының аға оқытушысы, магистр А.Ж.Қанатова 5В050900-Қаржы мамандығының студенттеріне «Несие ісі» пәнінен «Қазіргі кездегі ипотекалық несиелеу» тақырыбында қонақ дәрісін ұйымдастырды.
Қонақ дәрісін «Тұрғын үй құрылыс жинақ банкі» АҚ АФ басшысы Құрман Нұрбол Оразбайұлы өткізді. Студенттерге Қолжетімді баспананың барлық бағдарламалары, “Нұрлы жер” – көппәтерлі үйлер құрылысы мен жеке тұрғын үй құрылысын дамыту аясында халықты қолжетімді баспанамен қамтамасыз етуге арналған мемлекеттік бағдарламасы туралы айтылды. Сонымен қатар, ипотекалық несиелеу кезінде пайыздық мөлшерлеме, бастапқы жарна, мерзімі туралы түсіндірілсе, тұрғын үй құрылыс жинақ банкіндегі арнайы салымның артықшылықтары туралы да ақпарат берді.
Қаржы мамандығы студенттері дәрісті үлкен қызығушылықпен тыңдап, толық мәлімет алу мақсатында, сұрақтар қойып, дәріс соңы пайдалы сұхбат түрінде өтті.
ПІКІРЛЕР