Онлайн жазғы мектеп аяқталды
Х.Досмұхамедов атындағы Атырау мемлекеттік университетінде "Көптілді білім беру" факультетінің ұйымдастыруымен өткізілген онлайн жазғы мектеп аяқталды.
Онлайн форматта өткен жазғы тілдік мектептің мақсаты - қатысымдық құзыретті жетілдіру, тілдерді оқуда қызығушылықтарын арттыру және оқушылардың жеке психологиялық ерекшеліктерін дамыту.
Сонымен қатар, жазғы мектепте білім ала отырып, қазақ және орыс тілдерімен қатар, ағылшын тілі адамдардың қарым-қатынас, өзара түсіністік пен өзара әрекетінің құралы ретінде, басқа мәдениеттерге тарту және мектеп оқушыларының зияткерлік қабілеттерін дамытудың маңызды құралы ретінде толық көлемде танылды. Және де жазғы мектеп аясында оқушыларға өздерінің өзге тілді қарым-қатынасын білім, білік, дағдыларын жетілдіруге мүмкіндік беріледі, білім алушылардың қатысымдық дағдыларын қалыптастыруға ерекше көңіл бөлінді.
10 күнге жоспарланып, өткізілген жазғы мектептің қатысушылары жаз мезгілінде уақыттарын тиімді пайданалып, білімдерін жетілдіруге күш-жігерін жұмсаған ұстаздары мен ұйымдастырушылар алғыстарын білдіруде.
Айта кетейік, жазғы мектепке қатысушылардың сертификаттары келесі аптада берілетін болады.
ПІКІРЛЕР