09.07.2020 657

9 шілдеде өткен "Журналистика және ақпарат" мамандығына тапсырушы талапкерлердің деңгейі туралы шығармашылық емтиханға жауапты "Журналистика" кафедрасының меңгерушісі Мұқашева Мәншүк Тынышқалиқызынан сұхбат алдық. - Жыл сайын дәстүрлі түрде өткізілетін шығармашылық емтихан биыл ерекше форматта өткізілуде. Осы туралы толығырақ айтып өтсеңіз. - Биылғы жылы шығармашылық емтихандар өзгеше форматта өтіп жатыр. Жақсы дайындықпен келдік. Талапкерлерге алдын-ала кеңес беру жұмыстарын жүргіздік. Сол себепті емтихандарды ұйымдастыру жəне өткізу жағынан еш қиындық болмады. Жоспарымызға сәйкес емтихан ойдағыдай өтуде. -Талапкерлер онлайн форматта қабілеттерін толық көрсете ала ма? -Талапкерлердің қабілетін көрсетуге толық мүмкіндік болды. Өздерінің қарым-қабілеті мен шығармашылық деңгейіне қарай үлкен дайындықпен келгендерін байқата білді. - Былтырғы өтінім беруші түлектер мен биылғы талапкерлердің санынан, жазу стилінен, ойын еркін жеткізуден айырмашылық байқалады ма? -Биыл оқуға келген талапкерлер республикамыздың түкпір-түкпірінен келген.Атап айтсақ:Манғыстау,Қызылорда,Батыс Қазақстан облыстарынан,Семей қаласынан тапысырып жатқан талапкерлер бар. Емтихан тақырыптары еркін тақырыптар. Мысалы, "Мен журналистика мамандығын неге таңдадым?" деген тақырыпта өз ойларын тиянақты әрі нақты жеткізуге арналған шағын әңгіме түрінде болды. Əр талапкер өз ойларын толыққанды жеткізіп жазуға тырысты. Ойлау мен жазу стиліне мән бере отырып, жұмыстарына бағалау бердік. - Талапкерлердің талпынысы, жаңашылдығы қандай деңгейде? -Биылғы тапсырушы талапкерлердің талпынысы өте жоғары екенін байқадық. Ең бастысы да осы, олардың өз мамандығына деген қызығушылығы бар. Осы тұрғыда айта кетейік, талапкерлер арасында Алтын белгі иегері, пəндік олимпиада жеңімпаздары бар. Олардың дараланып тұрған алғырлығына, зеректігіне риза болдық. Болашақ журналистерге дұрыс бағыт беріп, қолдау жасау - әр ұстаздың еншісінде. - Сұхбатыңызға рахмет.

Тізімге қайта оралу