09.07.2020 658

9 шілде күні қашықтан шығармашылық емтихан өткізу "Журналистика және ақпарат" білім беру бағдарламасы бойынша өтті. Бұл форматта ұйымдастырудың негізгі мақсаты - карантиндік шектеу кезіне қарамастан талапкерлерге барлық мүмкіндіктерді жасау, шығармашылық іріктеуді қамтамасыз ету, қолдау көрсету. Осы орайда емтиханның бірінші кезеңі шығарма жазудан басталды. Екінші кезеңі - әңгімелесу форматында 11 шілде күні жалғасын табады. Емтихан жазбаша түрде ZOOM платформасында оn-line режимінде шығарма тақырыптарын таңдау әдісімен басталды. Талапкер орындалған жазбаша жұмысты ұйымдастырушылардың алдын-ала жасаған корпоративтік поштасына жіберді. Емтихан жұмыстарын тексеруді комиссия мүшелері жүзеге асырып, нәтижесі туралы ақпаратты талапкер осы корпоративтік пошта арқылы 17.00-ге дейін алады. Егер жазбаша немесе шығармашылық емтихан нәтижесімен келіспеген білім алушы апелляциялық комиссия төрағасының атына электрондық емтихан ведомосын толтырған күннен кейінгі келесі күні сағат 14:00-ден кешіктірмей дәлелді жазбаша өтініш жазуға мүмкіндігі бар. Биылғы талапкерлер онлайн тапсырғанларына қарамастан ойларын еркін әрі тиянақты жеткізді. Яғни, бұл болашақ жас журналистердің потенциалдық деңгейінің жоғарылығын байқатады. Осындай қарқындағы білім деңгейі озық ойлы, бәсекеге қабілетті мықты кадрлардың легін қалыптастыруда өте маңызды. Сәттілік, талапкерлер!

Тізімге қайта оралу