ҰБТ басталды
21 маусым күні Х.Досмұхамедов атындағы Атырау мемлекеттік университетінде Ұлттық бірыңғай тестілеу басталды.
Елімізде орын алған төтенше жағдайға байланысты тестілеу өтетін орындарда санитарлық талаптар күшейтілген. Бірінші, талапкер дезинфекциялық тоннельден өтеді. Сосын арнайы кілемшеде аяқ киімдерді зарарсыздандырып, дене қызуын өлшейді. Антисептикпен қолын жуып, медициналық маска алады. Сонымен қатар, талапкерлердің ара қашықтықты сақтауы үшін арнайы орындар белгіленген.
Білім және ғылым министрлігінің мәліметіне қарағанда, ҰБТ барысын онлайн бақылауға мүмкіндік жасалған.
Айта кетейік, Қазақстан бойынша бүгін 161 пунктің 51-і ғана істейді, оның 44-і ауылдық жерлерде орналасқан. Орташа есеппен 1 ҰБТ тапсыру пунктіне 120 адамнан келеді. Тестілеу 5 шілдеге дейін, яғни 15 күн бойы өтеді.
ПІКІРЛЕР