«Болашақ» бағдарламасының іске асырылуындағы өзгерістер бойынша брифинг өтті
4 маусым күні «Халықаралық бағдарламалар орталығы» АҚ Президенті Кәрібозова Айнұр Бағдатқызы «Болашақ» бағдарламасының іске асырылуындағы өзгерістер атты онлайн брифинг өткізді.
Аталмыш брифингке Х.Досмұхамедов атындағы Атырау мемлекеттік университетінің ректоры Саламат Нұрмұханұлы Идрисов бастаған профессор-оқытушылар құрамы, магистранттар мен биылғы түлектер қатысты.
- Басымдық берілген мамандықтар тізбесі еңбек нарығы қажеттіліктерінің орта мерзімді болжамын ескере отырып, ҚР Білім және ғылым министрлігі арқылы жасалады. Яғни, оны жұмыс органы орталық және жергілікті атқарушы органдар ұсынатын өтінімдер негізінде әзірлейді.Үміткерлер үшін конкурстық кезеңдер саны азайды. Конкурстық іріктеу кезеңдері 6-дан 3-ке дейін қысқартылды, - деп баяндаған Айнұр Бағдатқызы шетелдік тағылымдамадан өтуге ниетті үміткерлер үшін толық ақпарат беріп, осы және өзге де жаңа ережелермен таныстырды.
Айта кетейік, «Болашақ» бағдарламасының іске асырылуындағы өзгерістер туралы толық ақпаратты info@bolashak.gov.kz ресми сайты арқылы біле аласыздар.
ПІКІРЛЕР