Еліміздің рухани-әлеуметтік дамуындағы жаңа серпіліс
2 маусым күні "Еліміздің рухани-әлеуметтік дамуындағы жаңа серпіліс" тақырыбында ҚР Президенті Қ.К.Тоқаевтың ұлттық сенім кеңесінің ІІІ отырысында сөйлеген сөзі бойынша университет ғалымдарының пікір алмасуы бағытында онлайн дөңгелек үстел өтті.
Шара модераторы Х.Досмұхамедов атындағы Атырау мемлекеттік университетінің ректоры С.Н.Идрисов болды.
Мемлекет басшысы Қасым-Жомарт Кемелұлы Тоқаев Ұлттық қоғамдық сенім кеңесінің ІІІ отырысында сөйлеген сөзінде:
2025 жылға дейін білім саласына бөлінетін қаржы 6 есе, ғылымға бөлінетін қаржы 7 есе өсетінін ескерген жөн;
Үкімет жоғары оқу орны оқытушыларының еңбекақысын көбейту мәселесін қарастыруы керек. Мұны мемлекеттік гранттардың құнын арттыру арқылы жүзеге асыруға болады. Осыған орай біз білім гранттарының орташа құнын 340-420 мың теңгеден 1 миллион теңгеге дейін көбейту арқылы шешім қабылдадық;
Еліміздің 10 жоғары оқу орны әлемнің үздік 500 университетінің қатарына қосылуы керек. Бұл межеге 2025 жылы жетуіміз қажет;
Жыл сайын кемінде 100 ғалымның әлемдегі жетекші зерттеу орталықтарында ғылыми тағылымдамадан өтуіне қаржы бөлген жөн;
Докторанттардың стипендиясын 150 мың теңгеге дейін көбейту қажет;
Елбасының жас ғалымдар үшін жыл сайын грант бөлу жөніндегі бастамасын жалғастырған жөн. Оның алдыңғы 3 жылға арналған жалпы құны 3 миллиард теңге болады,-деген болатын.
Осы және өзге де мәселелер бойынша пікір алмасқан ғалымдар қатарында тарих ғылымдарының докторы, профессор, «Рухани жаңғыру» кеңсесінің меңгерушісі Таңатарова Жамиға Тәжікқызы, педагогика ғылымдарының докторы, профессор, ректор кеңесшісі Иманғалиев Асхат Сәлімұлы, педагогика ғылымдарының докторы, профессор Имашев Ғизатолла Имашұлы, заң ғылымдарының кандидаты, қауымдастырылған профессор Шаяхметова Жанна Бекболқызы, философия ғылымдарының докторы, қауымдастырылған профессор Бекежан Өмірбек Қадырханұлы және онлайн түрде қатысқан өзге де профессор-оқытушылар құрамы бар.
Рухани-әлеуметтік даму бағытындағы онлайн дөңгелек үстелде айтылған өзекті мәселелер мен пайдалы ақпараттар мемлекеттің дамуына нақты қадамдар жасауға арналған жоспарлы кездесу болды. Университет ғалымдарының құнды пікірлері мен қоғамның дамуына бағдарланған көзқарастары ортаға салынып, маңызды жұмыстардың бастамасы болуға жоспар құрылды.
ПІКІРЛЕР