Атырау университеті филология ғылымдарының докторы, профессор Қадыр Өтегенұлы Жүсіпті мерейлі жасымен құттықтады
Бұл ғылыми кеңестің кеңейтілген мәжілісіне университет профессор-оқытушылар құрамы мен ғылыми кеңесі мүшелері, Атырау облысы мен қалалық әкімшілігі өкілдері, жоғары оқу орындарының басшылары, еңбек ардагерлері мен бұқаралық ақпарат құралдары өкілдері қатынасты.
Кеңейтілген мәжілісті университет ректоры, ғимия ғылымдарының докторы, профессор Абзал Ахатұлы Талтенов салтанатты түрде ашып, шақырылған барша қонақтарға қош келдіңіздер айтты. Ғылыми кеңес төрағасы, ректор мерейтой иесіне университет ұжымы атынан ықылас гүлі мен құттықтау хатын тапсырды.
Одан соң кеңейтілген ғылыми кеңес қонақтарының назарына мерейтой иесі, профессор Қадыр Жүсіп ағамыз туралы деректі бейнебаян ұсынылды.
Мерейтой иесін Атырау қаласы әкімінің орынбасары Мейірім Қалауи құттықтап,Атырау облысы мен қала басшылығы атынан құтықтап, алға қарай да зор денсаулық пен творчествалық табыстар тілеп, қала әкімі атынан алғыс хат пен бағалы сыйлық табыс етті.
Одан соң Атырау мұнай және газ университетінің ректоры Әли Әбішев, Атырау гуманитарлық және инженерлік институтының ректоры Ерсайын Ихсанов және Қазақстан Жазушылар Одағының Атырау облыстық филиалының төрағасы Қойшығұл Жылқышиев, Атырау университетінің профессоры, Қазақстан және Қырғызстан Республикаларының мәдениет қайраткері, өнер зерттеушісі, атақты сазгер Илья Жақановтар сөз алып мерейтой иісіне өздерінің жүрекжарды ақ тілектерін білдірді. Кеңейтілген мәжілісті мерейтой иесі, профессор Қадыр Жүсіп ағамыз барлық келген қонақтар мен құттықтаушыларға алғыс айтып, жүректен шыққан жыр шумақтарын арнаумен аяқтады.
ПІКІРЛЕР