Студенттер арасында ашық турнир өтті
Университетіміздің спорт мәдени кешенінде Халел Досмұхамедов атындағы Атырау мемлекеттік университетінің 70 – жылдық мерей тойына орай «Гір спорты мен қол күрестен» студент, жастар (ұлдар, қыздар) арасында ашық турнир өтті.
Жарысқа Ақтау қаласының жастар және жасөспірімдер құрама командасы, Орал қаласының құрама командасы, АПЭК Петро Техник жоғары колледж командасы, Атырау мұнай газ университет құрама командасы, Назарбаев зияткерлік мектеб командасы, Атырау инженер гуминарлық университет командасы және университетіміздің барлық факультеттерінен жиналған құрама командасы қатысты.
Жарыстың құрметті қонақтарының қатарында, Маңғыстау облысының Гір спортымен қол күресі федерациясының президенті Исламғалиев Роман Мұстафаұлы, Батыс-Қазақстан облысының Гір спортымен қол күресі федерациясының президенті Ибатов Мұрат Қолғанатұлы және университетіміздің ректоры Идрисов Саламат Нұрмұханұлы болды.
Жарыстын ашылу салтанатында Саламат Нұрмұханұлы барлық жарысқа қатынасушы спортшыларға жеңіс тілеп, Маңғыстау облысының Гір спортымен қол күресі федерациясының президенті Исламғалиев Роман Мұстафаұлына және Батыс-Қазақстан облысының Гір спортымен қол күресі федерациясының президенті Ибатов Мұрат Қолғанатұлына рахмет айтып, алғыс хатпен құттықтады.
Жарыс қортындысы бойынша, Гір спортынан 1-орынды Ақтау командасы, 2- орынды Халел Досмұхамедов атындағы Атырау мемлекеттік университеті командасы, 3- орынды Орал қаласының құрама командасы жеңіп алды. Қол күресінен 1-орындыОрал қаласының құрама командасы, 2- орынды Ақтау командасы, 3- орынды Халел Досмұхамедов атындағы Атырау мемлекеттік университеті командасы иеленді.
Жарыс жоғары дәрежеде өтті.
ПІКІРЛЕР