«Рухани жаңғыру және қазақ даласының философиялық мұрасы»
Бүгін Х.Досмұхамедов атындағы Атырау мемлекеттік университетінде әлеуметтік-гуманитарлық пәндер кафедрасының аға оқытушысы , философия магистрі Ертелеева Роза Бекесовнаның ұйымдастыруымен Дүние жүзілік философия күніне орай «Рухани жаңғыру және қазақ даласының философиялық мұрасы» тақырыбында презентация өтті.
Шараға экономика және құқық мамандығының 1-курс студенттері қатысып, осы тақырыпқа байланысты презентацияларын қорғады. Атап айтар болсақ, Убенова Ару «Қазақ даласының философиялық мұрасы» , Байдалиев Ертарғын «Қазақ халқының философиялық дүниетанымы» тақырыптарында жұмыстарын көрсетті. Сонымен қатар, Рахметова Ырысдаулет және Серғазы Наргиз қатысты.
Аталмыш шараға қатысып, рухани жаңғыру маңызы мен мақсаты жайында сөз қозғап, пікірін білдіргендер қатарында әлеуметтік-гуманитарлық пәндер кафедрасының оқытушылары,яғни, аға оқытушы, философия магистрі Ертелеева Р.Б, ф.ғ.д, профессор Бекежан Ө.Қ, ф.ғ.к, әлеуметтік-гуманитарлық пәндер кафедрасының меңгерушісі Аймуратов С.Б болды. Оқытушылар өз сөздерінде студенттерді ұлттық философиялық құндылықтарды игеруге шақырды.
ПІКІРЛЕР