Нұрқожа Қобыланұлын еске алуға арналған дөңгелек үстел
Жаратылыстану және ауылшаруашылық ғылымдары факультетінде Биология және ауылшаруашылық пәндері кафедрасының б.ғ.д., профессор Алдабергенов Нұрқожа Қобыланұлының 80 жасқа толуына арналған «Батыс Қақақстан аймағының биология ғылымдарының дамуына үлес қосқан ғалымдары» атты еске алу дөңгелек үстелі ұйымдастырылып өткізілді.
Дөңгелек үстелге Алдабергенов Нұрқожа Қобыланұлы мен Алдабергенова Мәкім Жүнісбекқызын танитын үзеңгілес әріптестері, құдалары, шәкірттері, кафедраның профессор-оқытушылар құрамы, магистранттар және студенттер қатысты.
Дөңгелек үстелді Х.Досмұхамедов атындағы Атырау мемлекеттік университетінің ғылыми жұмыстар жөніндегі проректоры Саламат Нұрмұханұлы ашып жүргізді. Елбасы Н.Ә.Назарбаевтың «Болашаққа бағдар: рухани жаңғыру, бағдарламалық мақаласында ұлы тұлғаларды ұлықтау, келешек ұрпаққа насихаттау қажет деген болатын. Соған орай, қос ғалым Алдабергеновтер өмірден өтсе де, олардың ғылымға қосқан үлестерін, шығармашылық жолдарын еске алып, болашақ жастарға насихаттау еді.
Сөз алған п.ғ.д., профессор Иманғалиев Асхат Сәлімұлы, ф.ғ.д., профессор Қадыр Жүсіп, Гайсина Ажар, құдасы Жаулин Бөкенбай, шәкірті Жаманбаева Динара Алдабергеновтердің жанұясы, еңбектерін, ғылым жолындағы ізденістері мен қосқан үлестерін ерекше тебіреніспен айтып баяндады.
ПІКІРЛЕР