«Даму» кәсіпкерлікті дамыту қоры орталығындағы ақпараттық-танымдық дәріс

«Даму» кәсіпкерлікті дамыту қоры орталығындағы  ақпараттық-танымдық дәріс

2019 жылдың 21 ақпанында Атырау облысы АҚ «Даму» кәсіпкерлікті дамыту қоры орталығы  мен «QAZAQSTAN»  Ұлттық-Телеарнасы тілшілері бірлесе отырып,  ақпараттық-танымдық дәріс өткізді. Дәріске Атырау мемлекеттік университетінің Экономика кафедрасының аға оқытушылары - экономика магистрі Тлепова Г.Б., менеджмент магистрі А. Р.Тажидинова және  5В050600-Экономика мамандығының Э-306 және Э-307 топ студенттері қатысты.

Дәрістің мақсаты – жоғары курс студенттерін бизнес-ортаға тарту, оларға аймақтың үздік кәсіпкерлерімен іс жүзінде өзара әрекеттесу мүмкіндігін беру және «Даму» қорының қолдауымен өз ісін ұйымдастыру.

Қордың миссиясы – кешенді және тиімді қолдану шараларын жүзеге асыру мақсатында Қазақстандағы микро, шағын және орта кәсіпкерліктің (МШОК) тұрақты дамуындағы белсенді рөл атқаруы.

Алғашқы қолдауын «Даму» қорынан алған, қазіргі таңдаЖШС«Bereke Group Company» директоры Әсет Тұяқбаев студенттерге бизнес ашу бойынша өзінің тәжірибесімен бөлісе отырып, орталықтың жаңадан іс бастаушыларға демеу болатынын атап көрсетті.

Бұдан басқа, бүгінгі күні елімізде «жасыл» экономиканы дамыту үшін ауқымды инвестициялар тартылуда. Қор сарапшысы Берік Қадыров «жасыл» экономиканың қоғамдағы қалаған өзгерістерге әкелетін катализатор бола алатындығын, сонымен қатар нарықтағы қолданыстағы фирмалардың мінез-құлқын өзгертуге мүмкіндік беретінін атап өтті.

Қазақстандық бизнестің болашағы - «Жасыл экономика». Сондықтан, казіргі уақытта зерттеушілер мен оқытушылар қауымы экологиялық кәсіпкерлік тақырыбына көбірек назар аудару керек.

Аймақтың жетекші салсындағы кәсіпкерлердің тәжірибе бөлісуі студенттердің қызығушылығын тудырып, кездесуде көтерілген мәселелерге қатысты сұрақтарға жауаптарын алды.

Болашақта теория мен практиканы ұштастыру мақсатында «Кәсіпкерлік қызмет негіздері», «Логистика», «Кәсіпкерлік негізі және ментор стартаптар» атты пәндерді орталықпен бірлесе отырып семинар-тренинг, қонақ дәріс сабақтары өту жоспарлануда.

ПІКІРЛЕР

Тізімге қайта оралу

ҚҰТТЫҚТАЙМЫЗ!

22 Сен 2020 44