Атырау қаласы тарихының жаңа парақтары

Атырау қаласы тарихының жаңа парақтары

24 мамырда Х.Досмұхамедов атындағы Атырау мемлекеттік университетінде профессор Табылдиев Хисмет Бозанұлының «Атырау қаласының тарихы» (1917-1937 жылдар) монографиясының тұсаукесер рәсімі өтті.

«Атырау облысы және Атырау қаласының Құрметті азаматы «Парасат» орденінің иегері, ұстаз, ғалым, қайраткер Қазақстан Республикасы Қоғамдық Ғылымдар академиясының академигі, тарих ғылымдарының докторы, профессор Табылдиев Хисмет Бозанұлының «Атырау қаласының тарихы (1917-1937 жылдар) монографиясының тұсау кесеріне арналған салтанатты жиынға қош келдіңіздер. «Жақсының аты өлмейді, Ғалымның хаты өлмейді» дегендей, Хисмет Бозанұлы ағамыз өмірден өтсе де жақында ғана ағайдың «Атырау қаласының тарихы» еңбегі Алматы қаласында Қазақстан Республикасы білім және ғылым министрлігі Шоқан Уәлиханов атындағы Тарих және этнология институты Ғылыми кеңесінің ұсынуымен жарыққа шыққан болатын. Бұл кітап еліміздің тарихымен айналысатын жастар үшінде, қалың оқырман үшін де қолданбалы маңызы зор, аса құнды рухани байлық қатарынан орын алған туынды деп есептейміз»,-деп атап өтті өзінің кіріспе сөзінде университеттің Ғылыми істер жөніндегі проректоры, педагогика ғылымдарының кандидаты Саламат Нұрмұханұлы Идрисов.

Профессор Хисмет Табылдиевтің «Атырау қаласының тарихы (1917-1937 жылдар) монографиясының тұсаукесер рәсімі атақты мұнайшы, мемлекет және қоғам қайраткері, КСРО Мұнай өнеркәсібінің үздік қызметкері,  Атырау облысының Құрметті азаматы, Қазақстан және КСРО жоғарғы мемлекеттік марапаттарының иегері, Қазақстанның еңбек сіңірген мұнайшысы Есен Тасқынбаев пен Қазақстан Республикасының қоғам қайраткері, «Құрмет» орденінің иегері, Экономика ғылымдарының докторы Мағауя Шырдабаевқа ұсынылды.

Кітаптың маңызы, құндылығы жайында ғалымның әріптестері, шәкірттері өз пікірлерін ортаға салды.

Қалың оқырмандарына, зиялы қауымға жолдама алған «Атырау қаласының тарихы (1917-1937 жылдар) монографиясын жайында кітаптың ғылыми редакторы тарих ғылымдарының докторы Жамиға Таңатарова, шәкірті тарих ғылымдарының докторы Лесқали Бердіғожин, тарих ғылымдарының кандидаттары Жұмазия Кенжебаева, Қабибек Мұхитов, Әния Ермағамбетова, магистрант Төре Пангерей, 2016 жылғы Табылдиев шәкіртақысының иегері Ғаламат Базарбаев, тарих еңбектің құндылығы мен қолданбалы маңызы, құнды мәліметтері жайында жан-жақты баяндамалар жасады.

Хисмет Бозанұлының өмір жолы мен қайраткерлігі жайында дайындалған бейнебаян көрсетілді.


ПІКІРЛЕР

Тізімге қайта оралу

«Қазақ тіліндегі 100 жаңа оқулық»

13 Дек 2019 11

Елбасының «Рухани жаңғыру» мақаласының «100 жаңа оқулық» жобасы аясында бірқатар шетел авторларының еңбектерінің ана тілімізге аударылды. Соған орай бүгін университетімізде көптілді білім беру факультетінің қазақ тілі мен әдебиеті мамандығының 1 курс студенттерінің қатысуымен философия ғылымдарының докторы, профессор Ө.Қ.Бекежанның ұйымдастыруымен «Қазақ тіліндегі 100 жаңа оқулық» тақырыбында ашық сабағы өтті.

Тәуелсіздік күнінде ұстаздар ұлығыланды

13 Дек 2019 19

Бүгін университетімізде Тәуелсіздік күніне арналған «Тұғыры биік – Тәуелсіздік!» атты салтанатты жиын өтті.

Ілья Жақанов "Отан" орденімен марапатталды

12 Дек 2019 36

Тәуелсіздік күні қарсаңында бірқатар азамат мемлекеттік наградалармен марапатталды, - деп хабарлайды Tengrinews.kz тілшісі Ақорда сайтына сілтеме жасап.

Парасаттылық мектебі ашылды

12 Дек 2019 37

Бүгін Х.Досмұхамедов атындағы Атырау мемлекеттік университетінде Қазақстан Республикасы Сыбайлас жемқорлыққа қарсы іс-қимыл агенттігі Атырау облысы департаментінің тапсырмасымен «Педагогика» кафедра-лабораториясының ұйымдастыруымен «Парасаттылық мектебі» ашылды.

«Қазақстанның аграрлық тарихының мәселелері: дәстүр, тәжірибе, әдіснама»

12 Дек 2019 61

Бүгін Х.Досмұхамедов атындағы Атырау мемлекеттік университетінде «Рухани жаңғыру» бағдарламасы аясында белгілі тарихшы, тарих ғылымдарының докторы, профессор Алдар Сарсенұлы Сарсеновтың 70 жас мерейтойына орай «Қазақстанның аграрлық тарихының мәселелері: дәстүр, тәжірибе, әдіснама» атты халықаралық ғылыми-практикалық конференция өтті.