18.01.2023 292

18 қаңтар күні Х. Досмұхамедов атындағы Атырау университетінде профессор-оқытушылар құрамы мен қызметкерлері арасында өткен дәстүрлі 71-ші спартакиада ойынының жабылу салтанаты өтті.
 Бұқаралық спортты дамытып, оқытушылар мен қызметкерлер арасында салауатты өмір салтын насихаттау мақсатында өткен спартакиада ойынында волейбол, баскетбол, футбол, шахмат ойыны, үстел үсті теннисі, арқан тарту, жүгіру, мылтық ату секілді спорттың негізгі түрлері қамтылған. 
Білім саласында ғана емес, спортта да озат екендерін дәлелдеген университет ұжымы биылғы спартакиадаға белсенді қатысып, «Ректор кубогі» үшін тартысқа түсті. Бірнеше күнге жалғасқан жарыста әр факультеттен жиналған мықтылар бақ сынасып, қызықты ойын өтті. 
Жеңімпаз командалар арнайы ақшалай сыйлықтармен және кубоктармен марапатталды. 
Жарыс қорытындысы бойынша жүлдегерлер:
I орын – инновациялық білім беру факультеті
II орын – жаратылыстану және ауыл шаруашылық ғылымдар факультеті 
III орын – гуманитарлық ғылымдар және өнер факультеті

Тізімге қайта оралу