«Мамандығым – болашағым» жобасы аясындағы форсайт-мектеп
«Мамандығым – болашағым» жобасын іске асыру аясында Сафи Өтебаев атындағы Атырау мұнай және газ университеті базасында Форсайт-мектеп жұмысын бастады. Жобаны іске асыру келесі дәйекті жұмыс түрлерінен тұрады: - форсайт-зерттеу; инновацияларға және жуық арадағы 5 жылға өңірдің немесе салалардың мамандарға қатысты қажеттілігін болжамдау; әр өңір өзінің мамандықтар бойынша кәсіптер атласын әзірлейді жіне мамандар дайындайды; мамандықтар атласына сәйкес жаңа білім беру бағдарламаларын әзірлеу және өзектендіру; - жаңартылған білім беру бағдарламалары үшін профессор-оқытушылар құрамын дайындау.
«Мамандығым – болашағым» жобасы ҚР Үкіметі қаулысымен бекітілген халықтың табысын арттырудың 2025 жылға дейінгі бағдарламасына кірістірілген. Біздің университетіміздің (Х.Досмұхамедов атындағы Атырау университетінің) 10 қызметкері 2022 жылдың 22-27 қараша аралығында оқытылды және Атырау облысының озық кадрлық қамтамасыз ету өңірлік стандартын әзірлеуге қатысады. Қарқынды оқыту барысында қатысушылар форсайт өткізу әдіснамасының негізгі құралдарын меңгерді. Алдағы уақытта Форсайт мектеп қатысушыларының өңір үшін Жаңа мамандықтар атласын әзірлеу бойынша жауапты жұмысы күтуде. «Мамандығым – болашағым» жобасы еліміздің барлық өңірлерінде іске асырылады және өңірлік еңбек нарықтарының нақты сұраныстарын ескерумен кадрларды дайындау жүйесін қайта пішімдеуге мүмкіндік береді.
ПІКІРЛЕР