05.10.2022 427

Х.Досмұхамедов атындағы Атырау университеті физика, математика және ақпараттық технологиялар факультеті, бағдарламалық инженерия кафедрасына шетелдік ғалымдарды тарту аясында 1.10-29.10.2022ж. аралығында Түркия елінен, Чанаккале қаласынан, Чанаккале Онсекиз Март университетінің PhD, профессоры Джумали Яшар IT мамандықтарына дәріс беруге келді. Джумали Яшар ақпараттық жүйелер, техника және технологиялық ғылым, Computer Education and Learning Technology, Data science, Machine Learning, салаларында ғылыми жобалармен жұмыс жасаған білікті маман. Бірігіп жоспарланған кестеге сәйкес «Мәліметтер қоры және ақпараттық жүйелер», «Web программалау» пәндері бойынша дәріс беріп, студенттермен жұмысын бастады. «Мәліметтер қоры және ақпараттық жүйелер» пәнінен «6В06102-Бизнес-аналитика және IT жобаларды басқару» білім беру бағдарламасы бойынша 3 курс білім алушыларына дәріс жүргізді. Білім алушыларға сабақ барысында Sql-программалау тілінде мәліметтер қорын құру, кестенің өрістері және жазбаларымен жұмыс жасау, реляциялық деректер қорының ұйымдастырылу қағидалары, конструктор режимі арқылы, сұраулар орындауды ұйымдастырды. Түркия елінің PhD, профессоры Джумали Яшардың тәжірибе алмасуы IT мамандығы аясында жасалып жатқан жұмыстарды жандандырып, білім алушыларға серпіліс бере отырып, жастарды талаптандыратыны сөзсіз.

Тізімге қайта оралу