Гилян университеті мен Атырау мемлекеттік университеті арасындағы ғылыми ынтымақтастық

Х.Досмұхамедов атындағы Атырау мемлекеттік университетінің бірінші проректоры – стратегиялық жоспарлау және халықаралық байланыстар жөніндегі проректор Айгерім Шилібекова бастаған делегация Иран мемлекетіне іссапармен барды.

Іссапар барысында Атырау мемлекеттік университеті Каспий маңы мемлекеттері университеттерінің Ассоциациясы мүшесі ретінде Гилян, Мазандаран және Ноширвани атындағы технологиялық университеттерінде болды. Айта кету керек, Каспий маңы мемлекеттері университеттерінің Ассоциациясы тарихы 1996 жылдан бастау алады. Сапар аясында аталмыш Ассоциация мүшелері Иран мемлекетінің жетекші оқу орындарының бірі Гилян университеті мен Х.Досмұхамедов атындағы Атырау мемлекеттік университеті арасында ғылыми ынтымақтастық орнату жөнінде меморандумға қол қойылды. Ынтымақтастық нәтижесінде екі университеттің ғалымдары бірлесе отырып, зерттеу жобаларын жүргізіп, ортақ мақалалар жариялайды деп күтілуде.
Сонымен қатар Атырау мемлекеттік университеті делегациясы алдыңғы қатарлы жоғары оқу орындарының бірі Тегеран университетін аралап, орталық кітапхана жұмысымен танысты.

ПІКІРЛЕР

Тізімге қайта оралу

Құттықтаймыз!

17 Май 2022 37