Студенттер республикалық олимпиада жүлдегерлері
20-21 сәуір күні Павлодар педагогикалық университетінде Физика пәні бойынша XIV Республикалық студенттік олимпиада өтті. Олимпиадағы 15 университет қатысты.
Олимпиада 3 кезеңнен тұрды. 1 кезең - жалпы физика курсы бойынша тест, 2 кезең - жалпы физика курсы бойынша 4 есеп, ал 3 кезең - эксперименттік тапсырма.
Аталған олимпиадаға Х.Досмұхамедов атындағы Атырау университетінен Физика пәні мұғалімі мамандығының 1 курс студенті Нұржас Тойжигит, Физика және информатика пәні мұғалімі мамандығының 2 курс студенті Әдемі Бақтығалиева, физика пәні мұғалімі мамандығының 3 курс студенті Гүлдана Бекболатова сынды студенттерден құралған команда қатысты. Команда жетекшісі Бекова Гүлдана Таңбайқызы.
Олимпиада қорытындысы бойынша Х.Досмұхамедов атындағы Атырау университетінің командасы ұпайлар санымен тек Сүлеймен Демирель атындағы университетінің командасын алға жіберіп, ал «Астана» халықаралық университетінің командасының ұпайлар санымен тең түсіп, жүлделі 2 орынды иеленді. Бұл студенттеріміздің білімдері жоғары дәрежеде екенінің дәлелі. Сонымен қатар, жеке есеп бойынша 6В01502-Физика пәні мұғалімі білім бағдарламасының 1 курс студенті Тойжигит Нұржас Болатбекұлы 3 орын алды.
Университет атынан жеңімпаздарды жүлделі орындарымен шын жүректен құттықтаймыз!
ПІКІРЛЕР