Ғарифолла Әнес Атырау университетінің «Құрметті профессоры» атанды
Х.Досмұхамедов атындағы Атырау мемлекеттік университеті Ғылыми кеңесінің кеңейтілген отырысы болып өтті.
Ғылыми кеңес жұмысын Атырау университетінің ректоры, химия ғылымдарының докторы, профессор Абзал Талтенов ашып, кеңейтілген кеңестің шақырылуы себебін түсіндіріп берді. Ғылыми кеңес мүшелерінің шешімімен «Арыс» қорының президенті, «Арыс» баспасының директоры, Халықаралық «Қазақ тілі» қоғамының вице-президенті, филология ғылымдарының докторы, Атырау облысы, Құрманғазы ауданының тумасы Ғарифолла Әнес Атырау университетінің «Құрметті профессоры» атағына ұсынылған болатын. Бүгінгі Ғылыми кеңестің кеңейтілген отырысында ғалымға «Құрметті профессор» сертификаты мен мантиясы салтанатты түрде табыс етілді. Ғылыми кеңес мүшелері, профессорлар Қадыр Жүсіп, Аққали Ахмет және София Сағындықовалар сөз алып Ғарифолла Әнестің ғылымға, әдебиетке және де баспа ісіне сіңірген еңбектері мен жақсылықтарына толықтай тоқталып, алға қарай да ғалымға творчествалық табыстар тіледі. Одан соң, сөз кезегі «Арыс» қорының президенті, «Арыс» баспасының директоры, филология ғылымдарының докторы, Х.Досмұхамедов атындағы Атырау мемлекеттік университетінің құрметті профессоры Ғарифолла Әнес ағамызға беріліп, ол кісі жиналған барша кеңес мүшелері мен қонақтарға алғысын айтып, болашақ жоспарларымен, ойларымен бөлісті.
ПІКІРЛЕР