Ғасыр дерті алдын алуды қажет етеді
Соңғы жылдары жер шары халықтарының назары ғасыр індеті деп аталған СПИД (иммунитет жетіспеушілік синдромы) дертіне аууда, қазірдің өзінде бұл қатерлі ауру ондаған мың адамдардың өмірін жойған. Осы аурудың алғашқы және негізгі белгілері, одан сақтану жолдары, аурудың алдын - алу және емдеу тәсілдерін түсіндіру мақсатында Х.Досмұхамедов атындағы Атырау университетінде "СПИД - ҒАСЫР ІНДЕТІ" тақырыбында семинар ұйымдастырылды.
Семинарда Атырау облыстық ЖИТС орталығының мамандары Рашида Турумқызы және Аягөз Жеткеншекқызы Дүниежүзілік -АҚТҚ/ЖИТС туралы жаһандық хабардарлықты арттыру, індетке қарсы күресте қоғамның күш-жігерін жандандыру және пандемия жағдайында халықаралық ынтымақтастықты көрсетуге байланысты іс-шаралар мен жұмыстар туралы ақпарат берді. Студенттер шарада індет туралы мағұлматтармен танысып, инфекцияның таралуын тежейтін ақпараттармен қамтылды.
Семинар соңында ЖИТС-ке қарсы күрес және алдын алу орталығының медбикесі студенттердің қалауы бойынша сынама жасап, сол сәтте талдау қорытындысымен танысты
ПІКІРЛЕР