Әскери кафедраның оқу-жаттығу жұмыстарының салтанатты ашылу рәсімі өтті
16 маусымда Әскери кафедраның оқу-жаттығу жұмыстарының салтанатты ашылу рәсімі өтті. 14 маусым мен 17 шілде аралығында оқу-жаттығу дайындық жұмыстарын өткізу жоспарланған болатын. Бүгінгі жиынның жетекшісі - запастағы полковник Кенжебек Махмудұлы әскери взводты бастап, саптық жүрісті ұйымдастырды. Шараның ашылу рәсімі мемлекеттік Әнұранмен басталды.
Алғысөз Басқарма төрағасы-ректор Саламат Нұрмұханұлына берілді. Өз сөзінде ректор Әскери кафедраның студенттеріне жалынды жігер мен қажымас қайрат жолында біліктіліктерін арттырып, кафедрада жинақтаған білімдері мен тәжірибелерін шыңдап, болашақтарының жарқын болуын тіледі.
Шараның келесі бөлімі Әскери кафедраның бастығы Серік Акирұлының тілегімен жалғасты. Аяқталу кезеңінде 4 взводтан құралған 114 студент саптық жүріспен айналып, оқу-жаттығу дайындық бөліміне оралды.
Биылғы жоспарға сәйкес, жалпы 100 студент "запастағы лейтенант" шенін алып, әскери билет алуға жұмыстануда. Қалған 94 студент келесі жылы тәмамдайды. Ескерте кетер бір жайт, атыс қаруынан (УКС жаттығуы бойынша 5,45 мм АК-74 автоматынан) практикалық ату ағымдағы жылдың 13, 14 және 15 шілде күндері 41433 әскери бөлімінің қатысуымен Қарабатанда өткізілетін болады. Талабы мол, жалынды студенттерімізге мұқалмас ерік-жігер мен тың серпілістер тілейміз.
ПІКІРЛЕР