09.02.2023 127

2023 жылғы 6 ақпанда № 34 көпсалалы мектеп-гимназиясында Х.Досмұхамедов атындағы Атырау университетінің орыс филология кафедрасы филиалының  кабинеті салтанатты түрде ашылды.
Бұл жоғары оқу орны оқытушылары мен мектеп мұғалімдерінің атқарған үлкен жұмысының он нәтижесі. Кабинеттің ашылуы «Орыс тілі –достық тілі» әдістемелік онкүндігіне орайластырылды.
Кафедра кабинетінің ашылуына академиялық сапаны қамтамасыз ету және арттыру және білім беру бағдарламаларын дамыту кеңсесінің басшысы Ж.У.Сүлейменова, мансап және практика кеңсесінің басшысы Ж. К. Құлбатырова, көптілді білім беру факультетінің деканы А. А. Сұлтангубиева және орыс филологиясы кафедрасының оқытушылары қатысты.
Орыс филология кафедрасының атынан филиалға көркем, оқу - әдістемелік әдебиеттер, ноутбук және принтер сыйға тартылды.
Кафедра мен мектептің ынтымақтастығы жоғары және орта білім берудің үздіксіздігі мен сабақтастығы тұжырымдамасын іске асыра отырып кеңейтілетін болады.
Орыс филология кафедрасы мектеп директоры О.Х.Хуандықоваға және орыс тілі мен әдебиеті  әдістемелік бірлестігіне алғысын білдіре отырып, бірлескен жұмыста сәттілік тілейді!

Тізімге қайта оралу