20.04.2023 97

Х.Досмұхамедов атындағы Атырау университетінде гуманитарлық ғылымдар және өнер факультеті, музыка және өнер кафедрасының аға оқытушысы «Ерен еңбегі үшін» медалінің иегері,  Қазақстан Республикасы білім беру ісінің Құрметті қызметкері  Әжікен Сәтім Сухашұлы шәкірттерінің   «БАЯННЫҢ САЗДЫ ҮНІ» атты есепті концерті өтті. Жас ұстаздарды тәрбиелеуде музыкалық аспап – баянда орындаушылықтың маңызы өте зор. Болашақ ұстаздар әдістемелік сабақ өткізу дағдыларын алып, негізгі музыкалық аспап – баяннан да жақсы орындаушы болуы үшін емтихандармен қатар халық алдында өз өнерлерін көрсету мақсатында концерттерге жиі шығып тұрады. Концертте ұстаздың 1-5 курстарда оқитын студенттері жеке музыкалық шығармаларды жақсы орындап, тыңдаушылардың құрметіне бөленді. Әсіресе биыл оқу орынын бітіруші студенттер: Жұмабек Талғаттың, Жұмақұлов Сабыржанның, Бақтығалиев Бағытжандардың жеке және дуэт болып орындаушылықтары өте жақсы өтті. Концертте В.М.Тарабрина басқаратын кафедраның вокалдық ансамблінің орындауындағы Р.Топчевскийдің «Урал», А.Новиковтың «Смуглянка» әндерін баяншылар дуэті: Жұмабек Талғат пен Жұмақұлов Сабыржан сүйемелдеді. Сонымен қатар Жұмабек Талғат пен Тілепбергенов Еркебұланның орындауындағы Қуаныш Спановтың әні  «Қызыл көйлек» тыңдаушылардың ыссы ықыласына бөленді.Музыка және өнер кафедрасында оқытушылар жыл сайын осындай жеке есепті класс концерттерін беріп, кафедра меңгерушісі А.Т.Шаужанованың басшылығымен аудандарға, қала мектептеріне концерттер, мастер-класстар беріп, биылғы мектеп бітіруші түлектерді біздің университетіміздің «Музыка және өнер» каферасындағы мамандықтарға оқуға түсуге шақыруда.

Тізімге қайта оралу