Батыл қаһарман – Боран Нысанбаев

6 ақпан бүкіл қазақ елі майдан даласында өшпес ерлігін жасап, қаза тапқан жерлесіміз, Кеңес Одағының батыры Боран Нысанбаевтың туғанына 100 жыл, ал ерлікпен қаза тапқанына 75 жыл толды.

Осыған орай, университетіміздің акт залында әскери кафедра студенттері еске алу кешін ұйымдастырды. Шараның мақсаты Ұлы Отан соғысы кезіндегі қиыншылықтарды, халық көтерген қасіреттерді еске ала отырып, Боран Нысанбаевтың ерлігін, өн бойындағы адамгершілік қасиеттерін жастарға дәріптеу. Сонымен қатар, студенттерді Отанын сүюге, оны қорғауға баулу. Шара барысында ән шырқалып, күй тартылып, «Ер есімі – ел есінде» атты бейнебаян көрсетілді. Кеш соңында әскери кафедраның оқытушылары мен меңгерушісі полковник Қуандық Бердыгалиев қорытынды сөз сөйледі.

Малика Такежанова,
журналистика мамандығының 2 курс студенті

Тізімге қайта оралу